ATOPIArpg euskarazko rol-jokoak irabazi du Sormen Beka, sortzaileek proiektua zertan datzan kontatu digute

Posted 2 hilabete ago by KulturSharea
2 views

Euskaraz sortutako rol-joko batek irabazi du Durangoko Azokako lehenengo Sormen Beka. Etzi Portu Maritimoa taldeak aurkeztu du proiektua, eta urtebete izango dute euskaraz sortu eta argitaratutako lehenengo rol-jokoa sortzeko. Proiektu horren izena ATOPIArpg da, eta 2019. urteko Azokan aurkeztu beharko dute. Bekaren zenbatekoa 15.000 eurokoa izango da.

Sormen Bekaren helburua sortzaile berriengan arreta jartzea izan da: “Herri honetako sortzaile berriek asko dute guri emateko. Guztioei ahotsa eta plaza eskaintzea izan da Durangoko Azokaren helburua eta horretan dihardugu gaur egun ere”, azaldu du Gerediaga Elkarteko presidente Nerea Mujikak. Durangoko Azokako Sormen Bekak euskarazko kultur produktu baten sorkuntza hasieratik amaierara garatzen lagunduko du.

Sormen Bekako epaimahakideen izan dira: Itxaro Borda, Garbiñe Ubeda, Patxi Zubizarreta, Esti Albizu eta Xabier Bóveda. Bordak azaldu duenez, 28 lan aurkeztu dira deialdira: “Denak, batak besteak bezain interesgarriak”. Azken hautaketarako hiru proiektu aukeratu zituzten: irabazi duen taldea, Gerrak eta Hiru Puntu. Epaimahakideen arabera, “hiruretan kultur modalitate ezberdinak uztartzen ziren”.

Azkenean, ATOPIArpg egitasmoa aukeratzea izan da epai-mahaiaren erabakia: “Rol joko bat euskaraz, literatura fantastikoaren eta jolas kolektiboaren gurutze-bidean, sortzaile talde dinamiko batek ekartzen duena. Irudimena eta irudiak lantzen dituzte, Euskal Herriko gaurkotasunean errotzen da, eta umorea ere sartzen du narrazio eta komentarioetan”.

Epaimahaiak gogoratu duenez, gainera, Azokan rol-joko horretara jokatzeko aukera egongo da: “Hitz eman digute 2019ko Azokan partidu bat abiaraziko dutela, guztien gozamenerako”.

ATOPIArpg, euskaraz sortutako lehenengo rol-jokoa

Etzi Portu Maritimoa taldeak aurkeztutako ATOPIArpg izan da, beraz, sormen bekaren irabazlea. Talde horretako kide dira Xabier Landabidea Urresti, Galder Gonzalez Larrañaga, Beñat Irasuegi Ibarra, Ohiana Calparsoro Forcada, Yerai Gascón Sánchez, Unai Gorrotxategi Sabino, Gorka Salces Alcalde eta Eneko Olazabal Arruabarrena.

 

Erlazionatutako bideoak

Adrenalized taldearen ‘Gezurra ari du’ kantuaren bideoklipa ikusgai
Posted 2 egun ago by KulturSharea

Adrenalized taldearen Operation Exodus laneko kantua dugu Gezurra ari [...]
0 views

Bertso barnetegia iruditan
Posted 2 egun ago by KulturSharea

Negusko bertso barnetegian asteburu honetan jasotako irudi batzuk [...]
0 views

‘Gogoaren indarra’ kantua sortu du Itziarren Semeak taldeak
Posted 5 egun ago by KulturSharea

Gogoaren indarra kantua sortu du Itziarren Semeak taldeak, Iñigo [...]
13 views

Errusiako urriko iraultzari buruzko filma proiektatuko dute Tabakaleran
Posted 5 egun ago by KulturSharea

  The Anniversary of the Revolution (1918) filma proiektatuko [...]
1 views

‘Azeri eta Herio’, Niña Coyote eta Chico Tornadoren disko berriko aurrerapen kantua
Posted 2 aste ago by KulturSharea

Niña Coyote eta Chico Tornadoren Aitzstar diskoko aurrerapen kantua [...]
1 views

‘Enarak diote’ Nabil taldearen bideoklip berria ikusgai
Posted 3 aste ago by KulturSharea

Lekeitioko Nabil taldeak otsailaren 14an argitaratuko du Eter, euren [...]
37 views

Deiedratarrök taldearen ´Khantore Bakartiak´ lana osorik entzungai
Posted 3 aste ago by KulturSharea

Deiedratarrök taldeak ´Khantore Bakartiak´ izeneko lan berria [...]
0 views
Page 1 of 7
Zabaldu: