Gipuzkoa Kultura plataforma digitalak kultur edukien eskaintza zabala eskainiko die herritarrei berrogeialdiak irauten duen bitartean.
“Tresna garrantzitsu bat da isolamendu sentsazioa arintzeko, eta mesedegarria izan daiteke pertsona asko kulturara hurbiltzeko eta baita haientzat berriak diren jarduera eta ekimenetara hurbiltzeko ere”, azaldu du Gipuzkoako Kulturako diputatu Harkaitz Millanek. Eskaintza hau, batez ere gazteentzat dela interesgarria azpìmarratu du, beren etxeetan baitaude ikastetxeak itxita daudelako. Hala, ohiko eskaintzei eduki alternatiboak gehitzeko beta izango dute, beren kultur baliabide eta ikasketak aberasten lagunduko dituzte horrela.
Hauek dira Gipuzkoa Kultura plataforma digitalaren bitartez eskuragarri dauden eskaintzak:
Koldo Mitxelena
Koldo Mitxelena kulturunean egiten diren kultur ekintza gehienak (hitzaldiak, kontzertuak, solasaldiak eta abar) grabatuta daude, eta eskuragarri, Koldo Mitxelena Zuzenean kanalaren bitartez.
https://www.youtube.com/channel/UCZ4svV7-qJw6T4NX4nIiL5A
Gordailua
Gordailuko ondare bildumen funtsak eskuragarri dauka bereizmen handiko 195 irudiz osatutako bilduma bat, koadroetatik hasita pieza arkeologikoetaraino, Porcelanas Bidasoa-ren historia barne. Hori guztia Google Arts-en aurki daiteke.
https://artsandculture.google.com/partner/gipuzkoako-gordailua
Canal Europa
Canal Europa kulturarako topagunea da, pentsamendu kritikorako eta jakintzaren zirkulaziorako. Pertsona ospetsuen lekukotzak eta hausnarketak biltzen ditu: artistak, idazleak, zientzialariak eta profesionalak. Ia 40 topaketa eta bertan ageri dira, besteak bestek Bernardo Atxaga, Bertrand Tavernier, Reyes Mate, Miguel Zugaza, Sara de la Rica, Pedro Miguel Etxenike, Costa Gavras, Javier Aguirresarobe eta James Rodhes.
https://www.gipuzkoa.eus/es/web/kultura/programas/canal-europa/encuentro
Gure Gipuzkoa
Argazki bilduma handi baten bitartez, Gipuzkoan barrena ibilbide bat proposatzen du egitasmo honek. Bertan, argazki historikoak aurki daitezke: gure kaleak, auzoak, herriak eta beste leku interesgarri batzuk.
Gipuzkoa 1936
Gipuzkoaren historian asalduzko urtea izan zen 1936, garai hartako egunkarien eguneroko azalen bitartez ikusia.
http://gipuzkoa1936.com
Kultur Memoriak
Kultur Memoriak ekimena Gipuzkoako ondare eta memoria soziokulturalari buruzko edukiak eta lekukotzak biltzen ditu. Hainbat lagunekin egindako elkarrizketak, zeintzuetan hitz egiten baitute hainbat arlotan duten esperientziez: industria, kooperatibismoa, prestakuntza, hizkuntza…
https://www.gipuzkoa.eus/eu/web/kultura/programak/kultur-memoriak/edukiak
Gipuzkoako museoak
Gipuzkoako museoek edukien bilduma zabal bat dute eskuragarri beren webguneetan. Hasi beren bilduma iraunkor, erakusketa, artxibo grafiko eta audiozkoetatik eta ibilbide birtualetaraino.
- Zumalakarregi Museoa: https://www.zumalakarregimuseoa.eus/es
- Itsas Museoa: https://itsasmuseoa.eus
- Igartubeti: https://www.igartubeitibaserria.eus