Uribe kostako taldea proiektu berri batekin bueltan da. Oraingoan, bere musikari buelta eman eta iaz argitaratu zuten diskoren Azken Eztanda kantuaren bertsio berria aurkeztu dute. Horretarako, orkestra bat izan dute lagun; formazio klasikoko musikari trebeak biltzen ditu orkestra honek: pianoa, tronpa, bonbardinoa eta hari instrumentuak (biolinak, biolak, txeloak eta kontrabaxua), besteak beste.
Guda Dantza taldeak bere aldetik, kantuaren zirrikituak ñabardura ugariz betetzea lortu du. Dimentsio musikalaz gain, kantuaren bideoklipa ere sortu dute.
Audioa Urdulizko Tío Pete estudioan produzitu dute, Unai Mimenzaren gidaritzapean. Bideoaren harira, hauek izan dira unibertso bisualaren arduradun eta sortzaileak: Iker Maguregi zuzendaria, Andrea Martinez argazki zuzendaria eta Karla Biondini ekoizpen diseinatzailea.
You may also like
