Uxue Alberdi idazleak ‘Esne-berriketan’ kontakizun liburua aurkeztu du Begoña Durrutyrekin batera

Bi urtetan egindako entzuketa ariketen emaitza da Alberdiren lan berria. Elgoibarko idazlea hainbat herritan izan da hainbat emakumerekin elkartu eta haiek kontatzeko zeukatena entzuten.

Uxue Alberdi idazleak ‘Esne-berriketan’ kontakizun liburua aurkeztu du gaur Donostian, Begoña Durruty ilustratzailearekin batera. Idazleak emakumeen ahotik eta bihotzetik jasotako esperientziak bildu ditu lan berri honetan. Egileak berak azaldu duenez, “bi urtetan egindako entzuketa ariketen emaitza da” lan berria.

Badira andre banderak eta andre pañeluak, etxekoak, barrurakoak, beren burua ondo plegatzen dakitenak. Badira kuleroak labean lehortzen dituzten andre señorak eta zuhaitzak aizkoraz botatzen dituzten andre mandoak; bost urteko artzainak eta atso kontrabandistak; abantekoak eta izuak, esanekoak eta etxekalteak, debilak eta fuerteak, txatxalak eta txorrotxak, emakaitzak, andrekoiak, antzuak, lokak. Fosforozko eta merkuriozko andreak. 

Antxiñe Mendizabal Elkar argitaletxeko editorearen esanetan, “kontakizun bakoitzak izan nahi du berba-habia bizi bat, eta bata bestearen atzean jarrita, narraziook unibertso bat osatzen dute, paisaia bat, ahotsez eta mugimenduz betea”.

Ez da lehenengo aldia Alberdik eta Durrutik formatu bereko lan bat elkarrekin argitaratzen dutela, duela bi urte, Belarriko Kilkerrak (Elkar) liburua kaleratu zuten eta hartan ere ahoz kontatu eta belarriz jasotako testuak bildu zituen idazleak.

You may also like

Xabi Solano musikaria aktore lanetan estreinatuko da ‘Aitaren Hauspoa’ antzezlanarekin
Posted on 2026-11-06 by KulturSharea
Ximun Fuchsek sortu eta zuzendu du obra, Solanoren bizitzatik eta [...]
Itziar Aranburuk eta Jon Ander Garciak “d” letraz hasten diren hitzekin osatu dute ‘Dudak dakarrena’
Posted on 2026-11-05 by KulturSharea
Pamiela argitaletxearen eskutik kaleratu dute liburua. Umorea eta [...]
Maialen Berasategik bakardadearen erromantizazioa landu du ‘Erreplika’ lehen nobelan
Posted on 2026-10-28 by KulturSharea
Eleberriak idazlegai gazte baten eta hark miresten duen idazle [...]
Uxue Razquinen amaren galerari buruzko lekukotasuna euskaratu du Irati Jimenezek
Posted on 2026-10-21 by KulturSharea
2025ean gaztelaniaz argitaratutako Cómo se le dice adiós a una madre [...]
Jon Gerediagak ‘Kontuz, Ikaro!’ antzezlana kaleratu du
Posted on 2026-10-15 by KulturSharea
Ikaro mito greziarra abiapuntu hartuta, askatasunari, nortasunari eta [...]
Periferiari beste begirada bat eman dio Nerea Arrienek ‘Gorputzen aldiriak’ liburuan
Posted on 2026-10-14 by KulturSharea
Hiriaren bazterreko auzo batean kokatu ditu Arrienek elkarrekin [...]
Gorka Etxebarriak Herri Batasunaren sorreraren testuinguru historikoa aztertu du
Posted on 2026-10-06 by KulturSharea
Euskal Herriko trantsizio garaiko mugimendu politiko, sozial eta [...]
Gizon izateko agindua auzitan jarri du Aritz Galarragak ‘Izan gizona’ saiakeran
Posted on 2026-09-17 by KulturSharea
Gizontasuna nola eraikitzen den eta gizarteak ezarritako gizon ereduak [...]
Xabier Mendigurenek Morlanseko hilketa ekarri du literaturara
Posted on 2026-09-17 by KulturSharea
Memoria historikoa eta euskal gatazkaren inguruko gogoeta landu ditu [...]
123…63

Page 1 of 63

Zabaldu: