‘Amets egin’, EraBateraren disko berriaren aurrerapen kantua

Posted on 2020-06-11 by KulturSharea

Gatibun baketak astintzen aritzeaz gain, Gaizka Salazar musikariak duela lau bat urte ekin zion, bere kabuz, kantuen zirriborroak egiteari. “Aurretik ere beti saltseatzen ibili izan naiz; etxean gitarra bat daukat, baina jolas bat izango balitz moduan hartu izan dut. Kantu batzuen ideiak buruan edukitzen hasi nintzenean, berriz, kontua serioago hartu nuen”, azaldu du Salazarrek. Hala, pieza horiek itxura ona zeukatela ikusi zuenean, hainbat musikarirekin harremanetan jartzen hasi zen, eta EraBatera taldea sortu zuen. Egitasmo honen inguruan eskarmentu handiko musikariak biltzea lortu zuen Bilboko musikariak: Gatibun taldekide duen Mikel Caballero baxu-jotzailea, Ken Zazpiko Beñat Serna gitarra jotzailea eta Willis Drummond taldeko Jurgi Ekiza abeslaria. Gerora, Miguel Moyano ( Smile, Gari ) eta Josu Aginaga ere taldera batu dira.

Lehenengo diskoa 2018an plazaratu zuten Antipodetan izenpean. Salazarren aitaren heriotzak eragindako saminetik sortutako sentipenak izan ziren disko hartako kanten funtsa. Oraingo honetan, berriz, bizipozari kantatu nahi diote, ospatzeko modukoak begitantzen zaizkien ekintzei, esaterako, amets egin eta ametsak egia bihurtzeari, ume baten jaiotzari, musikak eragiten duen kemenari edota naturarekiko dugun atxikimenduari.

Diskoa udaren bukaeran grabatzeko asmoa dute, entsegu eta atseden leku toki duten Xumelako baserrian, Anbotopean.

Disko berriaren aurrerapen gisa, Amets egin kanta plazaratu dute gaur. “Pandemiak bortizki erasan gintuenetik bizitako egoera latzaren aurrean, amets egiteak askatasuna eta indarra ematen duen uste osoan sorturiko kanta da”. Periko Solabarriak ezagun egin zuen esaldia gogoan hartuta, amets egiten uzten ez badigute, ez diegu lo egiten utziko, ezadostasuna erakusteko eta ametsen alde borrokatzeko momentua dela aldarrikatu nahi izan dute.

Taldea ilusioz beterik eta gogotsu dago ziurgabetasunez beteriko bide berriei ekiteko, eskaintzeko dutena ezagutarazi eta ahal den neurrian euren musika ahalik eta entzule gehienekin konpartitzeko.

You may also like

Xabi Solano musikaria aktore lanetan estreinatuko da ‘Aitaren Hauspoa’ antzezlanarekin
Posted on 2026-11-06 by KulturSharea
Ximun Fuchsek sortu eta zuzendu du obra, Solanoren bizitzatik eta [...]
Itziar Aranburuk eta Jon Ander Garciak “d” letraz hasten diren hitzekin osatu dute ‘Dudak dakarrena’
Posted on 2026-11-05 by KulturSharea
Pamiela argitaletxearen eskutik kaleratu dute liburua. Umorea eta [...]
Maialen Berasategik bakardadearen erromantizazioa landu du ‘Erreplika’ lehen nobelan
Posted on 2026-10-28 by KulturSharea
Eleberriak idazlegai gazte baten eta hark miresten duen idazle [...]
Uxue Razquinen amaren galerari buruzko lekukotasuna euskaratu du Irati Jimenezek
Posted on 2026-10-21 by KulturSharea
2025ean gaztelaniaz argitaratutako Cómo se le dice adiós a una madre [...]
Jon Gerediagak ‘Kontuz, Ikaro!’ antzezlana kaleratu du
Posted on 2026-10-15 by KulturSharea
Ikaro mito greziarra abiapuntu hartuta, askatasunari, nortasunari eta [...]
Periferiari beste begirada bat eman dio Nerea Arrienek ‘Gorputzen aldiriak’ liburuan
Posted on 2026-10-14 by KulturSharea
Hiriaren bazterreko auzo batean kokatu ditu Arrienek elkarrekin [...]
Gorka Etxebarriak Herri Batasunaren sorreraren testuinguru historikoa aztertu du
Posted on 2026-10-06 by KulturSharea
Euskal Herriko trantsizio garaiko mugimendu politiko, sozial eta [...]
Gizon izateko agindua auzitan jarri du Aritz Galarragak ‘Izan gizona’ saiakeran
Posted on 2026-09-17 by KulturSharea
Gizontasuna nola eraikitzen den eta gizarteak ezarritako gizon ereduak [...]
Xabier Mendigurenek Morlanseko hilketa ekarri du literaturara
Posted on 2026-09-17 by KulturSharea
Memoria historikoa eta euskal gatazkaren inguruko gogoeta landu ditu [...]
123…63

Page 1 of 63

Zabaldu: