‘Agur Etxebeste!’ filma irailaren 27an helduko da zinema aretoetara

Posted on 2019-09-23 by KulturSharea

Aupa Etxebeste! filmaren ildoa jarraitzen duen komedia da Agur Etxebeste!  Eta oraingoan ere Patrizio da istorioaren abiapuntu: erabaki zentzugabeak hartuz bere bizitza hankaz-gora jarriko du eta berarekin batera baita Etxebeste familiaren etorkizuna ere. Aupa Etxebeste! filman bezala, jorratzen diren gaiak aski ezagunak dira. Ez zaizkigu arrotzak egingo komisioak kobratzen dituzten politikarien gorabeherak, zergak ordaintzea saihesten duten pikaroenak. Guztiok ezagutzen ditugu lan egiteko garaian kosta ahala kosta hanka egiten saiatzen diren funtzionarioak.

“Gure zeregina da ez ditzagula hasiera batean negatiboak diren pertsonaia horiek, ustelkeria-kasuak edo funtzionario iruzurtiak erabat gaitzetsi. Azken batean, geure erretratua da eta ez dago egungo gizartearen erretratua den horretatik onik aterako denik”, diote Tel Esnal eta Asier Altuna zuzendariek. Argumentuan aurrera egin ahala, herri osoaren jarrera ezin patetikoago bilakatzen da. Udala ustelduta dagoela jakin arren, nahiago dute ezer ez aldatzea, beldur baitira aldaketek ez ote dieten euren abantaila txikiren bat galaraziko.

Guzti hori komedia moduan mamitua, batzuetan surrealista, egia esan, ia ezinezkoa dirudielako udal batean sen ona nagusitzea. Agur Etxebeste! “demokrazia”-ren inguruko hausnarketa da; eta, batez ere, erdipurdiko gizarte baten balio ezarena.

Aupa Etxebeste! pelikulan familiartekoa zen krisia udalera zabaltzen da eta oraingoa beste film bat bada ere, biak bat datoz tonuan eta geure buruaz barre egiteko gogoan, batez ere. “Sorkuntza-ariketa arras interesgarria iruditu zaigu duela hamalau urteko filmerako sortutako pertsonaiak protagonista dituen gidoi berri bat idaztea”. Aldi berean, gizartea aldatu egin da eta horrekin batera Etxebestetarrak ere bilakatuz joan dira. Aupa Etxebeste! mende aldaketako gizarte haren erretratua zen bezala, Agur Etxebeste! filmak egun gertatzen ari diren benetako gertakariak ditu hizpide.

You may also like

Aiora Renteria (Zea mays) diskoak sinatzen dabil Landakon
Posted on 2019-12-05 by KulturSharea
Zea Mays talde bilbotarraren hamargarren lana dugu Atera, [...]
Izaro abeslaria bere proiektu berria aurkezten harrapatu dugu Durangoko Azokan
Posted on 2019-12-05 by KulturSharea
Abeslariak 'Limones de invierno' izeneko hirugarren diskoa aurkeztuko [...]
‘Errealitateak’ izeneko proiektua aurkeztu du Txakur Gorria kolektiboak
Posted on 2019-12-05 by KulturSharea
Txakur Gorria kolektiboko Malen Amenabarrek, Mariñe Arbeok, Nerea [...]
Izarok ‘Paris’ izeneko kantua eta bideoklipa aurkeztu ditu
Posted on 2019-12-04 by KulturSharea
Lan berria urtarrilaren 31n aurkeztuko duen arren, Durangoko Azokan [...]
Garik eta Josu Zabalak Kafe Antzokian eskainitako zuzenekoa disko batean bildu dute
Posted on 2019-12-03 by KulturSharea
Egun horretako oroigarri izateko asmoz, dator orain kaleratu berri [...]
Euskara hutsean dator Doctor Deseo taldearen ‘Maketoen Iraultza’ diskoa
Posted on 2019-12-03 by KulturSharea
Doctor Deseo taldearen hamazazpigarren diskoa dugu gaur, Bilbon, [...]
Eskafandra bildumak Simone de Beauvoirren ‘Bigarren sexua’ saiakera ekarri du euskarara
Posted on 2019-11-29 by KulturSharea
“Emakumea ez da jaiotzen. Egin egiten da”. Esaldi ezagun horrek [...]
Lotara joaterakoan, haurrei irakurtzeko ipuinak, poemak eta jolasak biltzen dituen liburua
Posted on 2019-11-29 by KulturSharea
Lotara joaterakoan, haurrei irakurtzeko ipuinak, poemak eta jolasak, [...]
En Tol Sarmiento talde arabarrak ‘Aukera berriak’ izeneko diskoa plazaratu du
Posted on 2019-11-28 by KulturSharea
Aukera berriak bilatu eta disko berria ondu du En Tol Sarmiento [...]

Page 37 of 55

Zabaldu: