Asel Luzarragak ‘Malthusen ezinegona’ izeneko eleberri distopikoa aurkeztu du

Posted on 2021-06-03 by KulturSharea

Idazleak adinaz, denboraren kudeaketaz, bizitzaren helburuaz, gizon eta emakumeei buruz edota gustuko artelanei buruz gogoeta egiten du lan berrian.

Hilabete batzuk dira Asel Luzarraga idazleak (Bilbo, 1971) Bahiketa eleberria kaleratu zuela eta dagoeneko bueltan da, oraingoan, Malthusen ezinegona (Elkar) izeneko nobela distopikoarekin. Genero honetako hirugarren lana du idazleak eta ezustean iritsi dela dio, “erasoan ia”.

2018an kaleratu zuen bere azken eleberri distopikoa Bioklik izenburupean. Une horretantxe genero horretako liburu gehiagorik ez idaztea erabaki zuen idazleak. Beste proiektu batzuk zituen esku artean, besteak beste, 2019an argitaratutako Inoren munduan eta Bahiketa (2020). Une horretan, “zerbait ari nintzen telebistan ikusten, ez dut gogoratzen zer, buruak hegaldi librean alde egin zidanean. Leherketa baten modukoa izan zen: Malthus etorri zitzaidan burura, ezerezetik sortutako pertsonaia, eta haren atzetik bera inguratzen zuen mundua”. Luzarraga ordenagailura jo zuen, ezinbestean, eta bere garunean isiltzen ez zen ahotsari irteten utzi ziola kontatu du. “Lehen apunteak izan ziren haiek, lehen zirriborroa, eta berehala sortu zen Judithen eta Malthusen arteko ispilu jokoa. Judithen hasierako eszena ere arrapaladan sortu zitzaidan. Idazteko estiloan pertsonaiak eskatzen zidan indarra sumatzen nuen, etorrian, erraz, berez”. Hala, hurrengo lau hilabetetan obsesionatuta idatzi zuen, “sukar batek jota bezala”, eleberria amaitu arte.

Lan berriarekin 2222. urtera egingo dugu bidaia, itxuraz etorkizun utopiko batera. Hala ere, gizarte horren arrakaletan ikusiko denez, gizarte horrek gehiago du distopikotik utopikotik baino. Mundu osoan milioi bat pertsona bizi dira, luxu eta ondasun guztiak eskura, inguruan beren zerbitzurako hainbat robot-gizaki dituztela, ez lanik, ez gaixotasunik, ez ardurarik gabe. Dena da lasaia eta gozagarria, izatez, baina badira lasai egon ezin direnak ere: horien artean dago Malthus, bizitza eroso horrekin deseroso, barruan borborka sumatzen duen botere-nahia nola ase ez dakiela. “Malthus bere garaiko rara avis bat da”, dio Luzarragak eta gizarte hori aldatzeko plan bat jarriko duela martxan gaineratu du.

Istorioa egun bakar batean gertatzen da, baina atzera saltoak eginez, azken 20 urtetako pasarteak kontatzen dira. Gertaera horiekin batera, Luzarragak hainbat gogoeta egiteko aprobetxatu du, adinaz, denboraren kudeaketaz, bizitzaren helburuaz, gizon eta emakumeei buruz, eta gustuko artelanei buruz, besteak beste.

You may also like

Huntza  taldeak  Doctor  Prats  talde  katalanarekin  batera  ‘Haizeak’  kanta  aurkeztu  du
Posted on 2021-06-18 by KulturSharea
Aldapan Gora (Ertzetatik, 2016) eta Lasai, lasai (Xilema, 2018) abesti [...]
Eñaut  Elorrietak  ‘Tren  luzea’  kantaren  bertsio  berri  bat  aurkeztu  du
Posted on 2021-06-17 by KulturSharea
Eñaut Elorrieta musikariak Tren luzea kantaren bertsio berria aurkeztu [...]
Laba,  euskara  bazterretik  erdigunera  eramango  duen  proiektua  aurkeztu  dute
Posted on 2021-06-11 by KulturSharea
Euskaldunen komunitatearentzako eta harengana hurbildu nahi duten [...]
Emakumeen  indarra  islatzen  duen  diskoa  kaleratu  du  Amak  taldeak
Posted on 2021-06-03 by KulturSharea
Zortzi kantuz osatuta, eserita entzuteko lana ondu du laukote [...]
Gatibu  taldeak  ‘Egunero’  kantuaren  bideoklipa  aurkeztu  du
Posted on 2021-05-28 by KulturSharea
Gatibu talde bizkaitarrak Egunero abestiaren bideoklipa aurkeztu du. [...]
‘Kultur  artikulazioa:  nondik,  zertarako  eta  nola’  jardunaldia
Posted on 2021-05-28 by KulturSharea
Sarrera: Lorea Agirre Dorronsoro (Jakin Fundazioko zuzendaria) [...]
Eñaut  Elorrietak  Zarauzko  Lizardi  institutuan  eskainitako  saioa
Posted on 2021-05-28 by KulturSharea
Musikariak ikastetxean programaren barruan, Eñaut Elorrieta Zarauzko [...]
Potx  eta  Lotx  pailazoek  ‘Pilota  berria’  izeneko  kanta  aurkeztu  dute
Posted on 2021-05-23 by KulturSharea
Potx eta Lotx pailazoek Pilota berria izeneko kanta aurkeztu dute. [...]
Zea  Mays  taldeak  ‘Adore’  izeneko  EP  berria  eta  bideoklipa  arkeztu  ditu
Posted on 2021-05-21 by KulturSharea
Bi abestiz osatutako EPa eta Adore izeneko aurrerapen kantua aurkeztu [...]
12336

Page 1 of 36

Zabaldu: