Toti Martinez de Lezeak ‘Egurra S.A’ intrigazko eleberria aurkeztu du

Posted on 2020-10-27 by KulturSharea

Liburu hau ontzea erronka bat izan da idazlearentzat, izan ere, oraingoan, eleberri historikotik aldendu eta gaurkotasuna duen istorio batera egin du jauzia.

Egurra S.A (Erein) dugu Toti Martinez de Lezea idazlearen azken eleberria. Gaur aurkeztu du Donostian, eta Bilbora heltzen den familia baten gorabeherak kontatzen ditu. Familiak argitaletxe bat jarriko du martxan eta horrek senideen arteko liskarrak ere ekarriko ditu.

Idazlea ohiko moldeetatik aldendu eta intrigazko eleberri bat dakarkigu. Hala, egileak ongi baino hobeto ezagutzen duen arlo batean girotu du istorioa: Argitaletxeen sektorea. Honen argi-ilunak azaltzen ditu lan berrian.

“Mende erdian zehar egindako ahaleginari esker, garai batean liburu biltegi txikia zena puntako argitaletxe handi bihurtu da, argitalpengintzan aitzindari izatera bideratuta. Horretarako, ordea, liburuekin zerikusi gutxi edo batere ez daukaten negozioetan sartu beharko du. Askotariko arrazoiak direla medio –tartean, mendeku gosea, ezaxola, anbizioa, literaturarekiko benetako maitasuna–, norgehiagoka sortu da argitaletxearen sortzaile Gervasio Egurraren ondorengoen artean, familia enpresan nor gailenduko. Gorabehera horien guztien lekuko da Nieves andrea, Gervasioren alargun eta familiaren matriarka, iragana ahantzi gabe”.

Gaur egun Larrabetzun bizi da Toti Martinez de Lezea. Kukubiltxo antzerki taldearen sortzaile izan zen, eta itzulpen lanez gainera, gidoiak, hezkuntzako bideoak eta telebistarako haur saioak egin zituen, 1983 eta 1992 urteen bitartean.

1986an Euskal Herriko leiendak bilduma idatzi zuen. 1998 urtean argitaratu zuen bere lehenengo eleberria: Judu-kale. Haren ondoren etorri ziren: Antsoren dorreak; Kattalin; Señor de la Guerra; Maria Galanta, abadesa; Ogaiztarrak; La voz de Lug; La Comunera; El verdugo de Dios; Hautsi da katea; A la sombra del templo; Sorginak; La Brecha; El jardín de la oca; Placeres reales; Otalorea; Perlas para un collar (Angeles de Irisarrirekin batera); La Universal; Pozoia Koroari; Urak dakarrena; Egunsentiko argia; Enda Lur; Isilpean gordea; Esne eta eztizko lurra eta Amamaren grafitiak; Sorgin belarra.

Idazle emankorra da, eta gazte literaturan ere jardun du. Erregearen mezularia, Ilargiaren alaba, Antso III. Nagusia eta Muerte en el priorato dira horren adibide.

Haur literaturan egin du azken saiakera Nur pertsonaiarekin; liburu horretako protagonista idazlearen beraren biloban oinarritua da.

Frantsesera, alemanera, portugesera, txinerara eta errusierara itzuli dituzte bere lanak, eta hainbat komunikabidetako kolaboratzaile aritzen da.

You may also like

Eñaut Elorrietak ‘Zutaz letrak idazteko’ kantua aurkeztu du
Posted on 2022-09-29 by KulturSharea
Eñaut Elorrietak udazken honetan argitaratuko duen Fantasia diskoaren [...]
‘Black Is Beltza II. Ainhoa’ filmaren soinu banda aurkeztu dute
Posted on 2022-09-15 by KulturSharea
Soinu banda bihar, irailak 16, kaleratuko dute. Fermin Muguruzak [...]
Nerea Ibarzabal idazleak bere lehen nobela kaleratu du: ‘Bar Gloria’
Posted on 2022-09-14 by KulturSharea
Idazle eta bertsolari bizkaitarrak estreinako nobela du Bar Gloria. [...]
Metrokoadrokak ‘Zeozertan dabil baina ez dakit zertan’ antzezlana prestatzen ari da
Posted on 2022-09-12 by KulturSharea
Antzezkizuna familia ereduei buruzko sitcom poetikoa izango da eta [...]
Jose Luis Otamendi idazlea bueltan da ‘Landura’ poema liburuarekin
Posted on 2022-09-12 by KulturSharea
Landura izena du idazle azpeitiarrak gaur Susa argitaletxearen eskutik [...]
Baztandarren Biltzarra: Orgak Elizondoko karriketara atera dira berriro ere
Posted on 2022-07-18 by KulturSharea
Edizio honetan, Amaiurko gazteluaren erresistentziaren 500. [...]
Rafa Ruedak ‘Oroitz’ kanta eta bideoklipa aurkeztu ditu
Posted on 2022-07-13 by KulturSharea
Larunbatean, bideoko abeslariek eta beste zortzi lagunek osatzen duten [...]
Euskaraldiak ‘Esazu hitz bat’ izeneko abestia aurkeztu du aurtengo ediziorako
Posted on 2022-07-06 by KulturSharea
Xabier Zabalak, Aiora Renteriak, Pettik, Maddalen Arzallusek, Ainhoa [...]
Esti Markezek ‘Hitzekin jolasean’ abestia eta bideoklipa aurkeztu ditu
Posted on 2022-07-04 by KulturSharea
Aiako abeslariak bakarkako ibilbideari ekin dio eta urrian diskoa [...]
12345

Page 1 of 45

Zabaldu: