Eñaut Elorrietak ‘Harbide Zilar Bat’ kanta aurkeztu du

Posted 2 hilabete ago by KulturSharea

Hitzak Jose Luiz Otamendirenak dira eta Fernando Velazquez orkestrarako moldaketez arduratu da. Zumaiako ‘Sapere Aude Sinfonietta’ orkestrak eta Bilboko Koral Elkarteak ere hartu dute parte proiektuan.

Isolamendu egoeratik sortutako kantua da Eñaut Elorrietak aurkeztu duen Harbide zilar bat, baina etorkizunera begira jarrita. Gertakizun hurbilek ispiluaren aurrean jarri gaituzten honetan, irakurketa kritiko batetik abiatuta, itxaropenari kantatzen dio. Zilarrezko aukerez betetako aro aldaketa honetan, elkartasunean eta mundu hobe baten aldeko ahaleginean jarri nahi izan du arreta.

Hitzak Jose Luiz Otamendirenak dira eta Fernando Velazquez orkestrarako moldaketez arduratu da.

Zumaiako ‘Sapere Aude Sinfonietta’ orkestrako 47 musikarik eta Bilboko Koral Elkarteko 87 abeslarik ere parte hartu dute abestiaren sortze prozesuan. Musikari eta abeslari bakoitzak bere musika tresna edo ahotsarekin kantuaren partitura eta argibideak jaso ondoren, bakoitzak bere gailuekin grabatutako soinu eta irudiz osatu dute egitasmo interesgarri eta hunkigarri hau.

Elorrieta bakarkako ibilbidean murgilduta dugu azken urteotan, Deserriko Kantak (2013) eta Irteera Argiak (2019) diskoak dira horren lekuko. Ken Zazpi taldearen buru zela ezagutu genuen Gernikako musikaria, eta aurretik ere Fernando Velazquezekin lan egin izan du; Kaabestri soka boskotearekin abian jarri zuen Harian (2018) egitasmoan eta Ken Zazpik Euskadiko Orkestra Sinfonikoarekin ondutako diskoan (2014).

 

You may also like

Posted 3 aste ago by KulturSharea
Kukai Dantza taldeak eta Nafarroako Unibertsitateko Museoak Ateak [...]
Posted 3 aste ago by KulturSharea
Apatia kantuaren bideoklipa aurkeztu du Skakeitan talde donostiarrak. [...]
Posted hilabete 1 ago by KulturSharea
The Binilos taldeak konfinamendua hasi aurretik grabatutako irudiekin [...]
Posted hilabete 1 ago by KulturSharea
Gatibun baketak astintzen aritzeaz gain, Gaizka Salazar musikariak [...]
Posted hilabete 1 ago by KulturSharea
ETS taldeak aurkeztu duen Zurekin batera kantua itxialdi egoeran [...]
Posted hilabete 1 ago by KulturSharea
Zea Mays taldeak ekainaren 12an eskainiko du zuzenekoa taula gainean [...]
12328
Page 1 of 28
Zabaldu: