ETS taldea otsailean bueltatuko da agertokietara

Posted on 2020-12-18 by KulturSharea

Taldeak Egingo dugu eztanda abesti berria aurkeztu du. Lehenengo zuzenekoa Andoainen izango dute hil horren 5ean. Azpeitin, Algortan, Bilbon, Gasteiz, Donostian eta Iruñean ere kontzertuak lotu dituzte jada.

En Tol Sarmiento taldearen Egingo dugu eztanda abesti berria garai zail baten osteko itzuleraz, gainditzeko espirituaz eta gauzei buelta emateko dugun gaitasunaz mintzo da. Hitzak aurten gizarteari egokitu zaion errealitate nekeza du oinarri, eta taldea nola sentitu den kontatzen du. Aldi berean, itxaropena zabaldu du nahi du ETS taldeak, eta agertokietara itzultzea lehergarria izango dela gogorarazi nahi izan du. Abesti bakoirra dela dio taldeak “pasarte lasai eta nostalgikoak zati alai eta festazaleekin tartekatzen dira”.

Taldea 2021eko otsailean igoko da oholtzara berriro. Lehenengo zuzenekoa Andoainen izango dute hil horren 5ean. Azpeitin, Algortan, Bilbon, Gasteiz, Donostian eta Iruñean ere kontzertuak lotu dituzte jada.

En Tol Sarmientok pasa den urteko amaieran argitaratu zuen Aukera berriak (Baga Biga) izeneko azken diskoa. Guztira zortzi abestik osatzen dute lan hori. Hainbat erritmo berri landu zituzten kantu horietan: ska, runba eta pop-a, besteak beste. Ametsetan diskoa grabatu ostean, bi urtez aritu ziren lan hori ontzen. “Ez genekien taldearekin zer egin, eta bizipoza berreskuratzeko prozesu bat hastea erabaki geunen”. Hala, ekoizpen etxe batekin lan egiten hastea erabaki zuten horretarako, Pello Reparazekin harremanetan jarri ziren. Handik eta bi astera, Arbizuko musikariak proiektuaren gaineko interesa adierazi zuen eta elkarrekin lanean hasi ziren.

You may also like

Patxi Zubizarretak eta Jokin Mitxelenak ‘Munduketariak’ liburua ondu dute
Posted on 2024-03-21 by KulturSharea
Gaztetxoentzako liburu honetan hegazkin baten irudia gelako lurrean [...]
La Furiak eta ØDEIk ‘Erro’ kanta eta bideoklipa kaleratu dute
Posted on 2024-03-15 by KulturSharea
La Furiak rap erritmoan ehuntzen du bere errealitatea, eta “pedigri [...]
Guda Dantza taldeak ‘Zenbat aldatu den dena’ abestia eta bideoklipa plazaratu ditu
Posted on 2024-03-12 by KulturSharea
Guda Dantza taldeko kideek kostunbrismo ariketa bat egin dute ”zenbat [...]
Geuretik Sortuak egitasmoarekin sortutako ‘Hona bostekoa!’ komiki bilduma kalean da
Posted on 2023-12-14 by KulturSharea
Iñaki Martiarena, Unai Gaztelumendi, Eñaut Aiartzaguena, Aritz Ibarra [...]
12355

Page 1 of 55

Zabaldu: