Euskaraldiak ‘Esazu hitz bat’ izeneko abestia aurkeztu du aurtengo ediziorako

Posted on 2022-07-06 by KulturSharea

Xabier Zabalak, Aiora Renteriak, Pettik, Maddalen Arzallusek, Ainhoa Larrañagak eta Andoni Egañak hartu dute parte abestian. Hirugarren edizioak, berriro ere, ariguneak izango ditu protagonista, belarriprest eta ahobiziekin batera.

Euskaraldiak aurtengo ediziorako kanta aurkeztu du Esazu hitz bat izenpean. Xabier Zabala musikariak konposatu du eta Andoni Egaña bertsolariak jarri dio letra. Aiora Renteriak, Pettik, Maddalen Arzallusek, Ainhoa Larrañagak eta Egañak berak ahotsa jarri diote kantari.

Hirugarren edizioa izango du Euskaraldiak eta azaroaren 18tik abenduaren 2ra bitartean egingo da Hitzez egiteko garaia lelopean. Euskal Herri mailako ariketa sozialak hizkuntza ohiturak astindu eta euskararen erabilera handitzea du xede. “Ilusioz, arduraz, gogoz eta emozioz ekingo diogu ariketari. Kaleak beteko ditugu berriz ere, euskaraz hitz egitea inoiz baino errazago izan dadin. Belarriprestok eta ahobiziok aukera berriak izan ditzagun lan egingo dugu elkarrekin, auzoz auzo, herriz herri eta arigunez arigune. Hitzez ekiteko garaia heldu da”, adierazi du antolakuntzak.

Hirugarren edizioak, beraz, ariguneak izango ditu protagonista berriro ere, belarriprest eta ahobiziekin batera. 2020an egindako bigarren edizioan bezala, entitateek parte hartzeko aukera izango dute eta berauen funtzio nagusia euskaraz lasai aritzeko guneak sortzea izango da. Pandemia betean milaka entitatek ariguneak sortu ondoren, euskararentzako espazio berriak sortu eta ariguneak areagotzeko helburua dute, aurten, Euskaraldiaren sustatzaileek. Proposamena enpresa, erakunde, elkarte, fundazio, klub, talde eta era guztietako entitate antolatuei luzatu zaie, beste behin ere.

You may also like

Sonetoz osatutako liburua ondu du Harkaitz Cano idazleak
Posted on 2022-12-02 by KulturSharea
Pozaren erdia du izenburu lan berriak eta Susa argitaletxearen eskutik [...]
Bilboko San Frantzisko auzora itzuli da Jon Arretxeren Toure detektibea
Posted on 2022-11-27 by KulturSharea
Prostituzioaren lege berriak nola eragingo duen Bilboko San Frantzisko [...]
Iñigo Antsorregik depresioa lehen lerrora ekarri nahi izan du ‘Nire minaren etxean’ saiakerarekin
Posted on 2022-10-30 by KulturSharea
Egileak broma giroan kontatu nahi izan du bere prozesua, “liburuan ni [...]
Zea Maysek Doctor Deseo taldearen ‘Corazon de tango’ abestiaren bertsio berria aurkeztu du
Posted on 2022-10-30 by KulturSharea
Bilboko Doctor Deseo taldearen Corazón de Tango klasikoa propio egin [...]
‘Aukeratu zure abentura’ eta ‘scapebook’ egitura uztartzen dituen liburua kaleratu du Nerea Loiolak
Posted on 2022-10-26 by KulturSharea
7G Udalekuak Eskapu bilduma berriaren lehendabiziko liburua da. [...]
Kokein taldeak ‘Ispiluari Begiratzean’ abestia eta bideoklipa aurkeztu ditu
Posted on 2022-10-17 by KulturSharea
Kanta honen hitzek epaitzen ez duen barne begirada batetik abiatuta [...]
12346

Page 1 of 46

Zabaldu: