Familiartean gozatzeko ‘Situ-Akzioak’ gunea ireki dute Donostiako Tabakaleran

Posted on 2023-06-20 by KulturSharea

0 eta 6 urte bitarteko haurrek, helduez lagunduta, argia, kolorea eta mugimenduarekin esperimentatu ahal izango dute. 45 minutuko jolas libreko saioak izango dira. Interesa dutenentzat sarrerak eskuragarri daude jada.

Situ-Akzioak izeneko proiektuak esplorazio sentsorialerako jolas proposamen irekiak diseinatzea planteatzen du. Horretarako, Donostiako Tabakalerako lehen solairuan espazio bat eraldatuko dute, denen artean 0 eta 6 urte bitarteko haurrentzat pentsatu eta sortuak izan diren jolaserako proposamen askeak bideratu eta bertan sortu, eraldatu eta sinbolizatzeko aukera eskainiz.

Egitasmo honen antolatzaileek azaldu dutenez, “jolas ireki proposamenak izango dira, denen artean pentsatutako agertokiak eta elkarrekin eraiki, eraldatu, sinbolizatu eta esperimentatzeko aukera izango dugu bertan. Jolas libreko paisaia-gune hauek Tabakalerako espazio eta momentu jakin batean gauzatuko dira, asteburuan”.

Zortzigarren edizio honetan, Maushaus arkitektoen kolektiboa izan dute bidelagun, elkarrekin jokatuko duten esperimentaziorako paisaia hau sortzeko.

Espazioaren planteamenduak Julio Leparc artistaren lana eta lan prozesua hartzen ditu abiapuntutzat, eta argia, kolorea eta mugimendua bezalako kontzeptuetan sakontzen du.

Situ-Akzioak: Esperimentaziorako paisaiak egitasmoa ostegun honetan, hilak 15, abiatuko da eta ekainaren 20ra arte luzatuko da. Interesa dutenek sarrerak eskuragarri dituzte jada, hemen.

You may also like

‘Imajinatu Zinemaldia’ erakusketak publikoari egingo dio gorazarre
Posted on 2022-07-13 by KulturSharea
Erakusketa Tabakaleran egongo da ikusgai eta herritarrak, edizioz [...]
Javier Perez artistaren ‘Presentziak Absentziak’ erakusketa ikusgai Donostian
Posted on 2022-07-07 by KulturSharea
Artista bilbotarraren sorkuntza-mundua ezagutzeko aukera ematen du [...]
‘Artea oinez’ erakusketa Iruñeko Kondestable jauregian ikusgai
Posted on 2022-04-11 by KulturSharea
Lan gehienak korronte abstraktuan kokatzen dira, baina figuratiboa, [...]
‘Emma Kunzen unibertsoa’ erakusketa ekainaren 19ra arte, Tabakaleran
Posted on 2022-02-09 by KulturSharea
Emma Kunzen unibertsoa erakusketa ekainaren 19ra arte bisitatu ahal [...]
1235

Page 1 of 5

Zabaldu: