Gorka Suaia eta Endika Lahaine ‘Herrima’ izeneko talde berriarekin datoz

Posted on 2019-12-19 by KulturSharea

Proiektu berriaren aurrerapen kantu gisa Chicago Boys  izenekoa aukeratu dute.

Herrima dugu Suaia eta Lahaine bikoaren musika talde berria. Hip-Hop-aren formatu klasikotik haratago doan proiektua dela diote. Bertan, zuzenean jotako instrumentuen presentzia eta pisua nabari da.

2014. urtean, Gorka Suaia (Gasteiz, 1982) eta Endika Lahainek (Barakaldo, 1982), Venezuelako Kanta Bolibartarraren jaialdian parte hartu ostean, Suaia eta Lahaine taldea osatzea erabaki zuten, Taupaka elkartearen laguntzarekin. Handik eta urtebetera, 2015ean, aurreneko diskoa kaleratu zuten. EP horretan hip-hop-a eta elektronika beraien klase kontzientziak azalarazten duen amorruarekin nahastu ziren.

Lan hura hainbat zuzenekotan defendatu ostean, bi musikarien indarrak beste proiektu batzuetara bideratu zituzten. Aurten, baina, proiektua berreskuratzea erabaki dute Suaiak eta Lahainek hainbat taldekide berrirekin batera; Xixo (Cherry Boppers taldearen perkusio jotzailea), Pagaza (gitarra, trikitixa) eta Markel Andia (dj eta samplerrak Suaia eta Ama Rebel taldean). Formatu berri honi Herrima izena jarri diote; “herriaren errima”.

Proiektu berriaren aurrerapen kantu gisa Chicago Boys  aukeratu dute. Abestiak Washingtonetik Latinoamerika osoan planifikatu diren estatu kolpeak salatzen ditu, eta aldi berean, herriek beraien etorkizuna erabakitzeko eta bakean bizitzeko eskubidea aldarrikatzen du, kumbia-reggae doinuz lagunduta.

Askapen Sound arduratu da single berri honen musika ekoizpenaz. Bideoklipa berriz, Etchecoy-k ekoiztu du eta honetan, bi mundu elkartzen dira, landa eremua eta hiria, “elkartuko gaituen eraldaketarako mezuaren bila”.

You may also like

Ruper Ordorikaren ´Joan soseguz´ aurrerapen kantua entzungai
Posted on 2018-11-06 by KulturSharea
Bakarka izeneko diskoa kaleratuko du egun batzuk barru Ruper Ordorikak [...]
´Zanbuia´ antzezlana osorik ikusgai
Posted on 2018-11-05 by KulturSharea
(Argazkia: Ikorkotx) Metrokoadroka Sormen Laborategiak Eako Poesia [...]
El Diluviren ´I tu, sols tu´ abestiaren euskarazko bertsioa egin du Huntza taldeak
Posted on 2018-10-31 by KulturSharea
El Diluviren I tu, sols tu abesti ezagunaren euskarazko bertsioa [...]
Nafarroa osoan euskara ofiziala izan dadin aldarrikatzeko mobilizazioa egingo dute Iruñean
Posted on 2018-10-23 by KulturSharea
Behingoz lelopean, mobilizaziorako deia egin du Kontseiluak datorren [...]
Palestina, Kornualles, Katalunia eta Euskal Herriako taldeak Musika Bizian jaialdian
Posted on 2018-10-22 by KulturSharea
Estaturik gabeko herrialdeen jaialdi bakarra da Galdakaoko Musika [...]
Euskaraldiaren bideoklipa “Hartu kontrola, aukeratu rola”
Posted on 2018-10-22 by KulturSharea
Egileak: Basu, Las Tea Party, Ines Osinaga eta Maialen Arzallus. [...]
Ikasgelan bertsolaritza lantzeko ´bertsoikasgela´ ataria martxan
Posted on 2018-10-19 by KulturSharea
Bideoa: Bertsozale Elkartea Ikastetxeetako bertsolaritza eskoletarako [...]
Eskean Kristören ‘Zaldiak negarrez’ aurkezpen kantua entzungai
Posted on 2018-10-17 by KulturSharea
Eskean Kristök azaroaren 9an aurkeztuko du Beste belaze batzuen [...]
Ximun Fuchs antzerkigilea Axut kolektiboari buruz
Posted on 2018-10-14 by KulturSharea
Ximun eta Manex Fuchs anaiek euskarazko arte eszenikoak bultzatzeko [...]

Page 43 of 44

Zabaldu: