Haurrentzako ‘Altzoko Handia’ izeneko ipuin-bilduma aurkeztu dute

Bideoaren egilea: Erein argitaletxea

Handia filmak zabaldu zuen jendartean Migel Joakin Eleizegiren ospea, gigantismo gaixotasuna izan zuen gazte bat, 2 metro eta 41 zentimetro neurtzera iritsi zena. Altzoko Handia deitzen zioten, herri hartan jaioa baitzen, eta izen hori jarri dio Erein argitaletxeak haurrei zuzendutako literatur bilduma honi, pertsonaia hori izango duelako protagonista. Aurreneko bi izenburuak dira Altzoko Handia eta Kutixiren gezurrak eta Altzoko Handia eta Kutixiren pianoa, album formatuan argitaratuak,. Ipuin bi hauen testu poetikoak Koldo Izagirre idazlearenak dira, irudiak berriz,  Irrimarra bikote sortzailea osatzen duten Karmele Gorroño eta Irene Iruretarenak dira.