‘HTX20: Elkarrekin edozer dugu posible’ dokumentala ikusgai

Posted on 2020-04-14 by KulturSharea

Iñaki Alforja zuzendari iruindarrak 2017ko udan Lakuntzan egin zen Hatortxu Rock-ari buruzko dokumentala ondo zuen, 20 lagunen istorioak bilduz. Orain, gure itxialdia eramangarriago egin eta oraindik 238 herritarren itxialdi luzeegia gerturatu asmoz, sarean ikusgai jarri dute dokumentala.

“Aldea izugarria bada ere, etxean itxita gauden egun hauetan, ezinezkoa da hainbat urte edo hamarkada metro karratu gutxi batzuetan giltzapetuta daramatzaten euskal presoekin ez gogoratzea”, diote Hatortxu Rock jaialdiko kideek. “Urteko egun bakoitzean alboan sentitzen ditugu eta, egun hauetan, inoiz baino gehiago”.

Egoera honek, alde nabarmenekin bada ere, errealitate horretara gerturatzeko balio beharko lukeela uste du jaialdiko antolakuntzak. “Hatortxu Rockek 21 urte daramatza preso, iheslari eta deportatuen egoera salatzen eta bide horretan hainbat mugarri izan ditugu”. 2017ko udan Lakuntzan antolatutako Hatortxu Rock jaialdia izan da horietako bat. “Euskal Herriak inoiz ezagutu duen elkartasun jaialdirik handiena izan zen. 6.000 lagunez osatutako auzolan erraldoi batek egin zuen posible lau egunetan 85 musika talde eta milaka lagunek ozen aldarrikatzea badela garaia herri honek bizi izan duen gatazkaren ondorio nagusietako bat konpontzeko”.

Hala, antolakuntzak 2017ko Hatortxu Rock bera antolatzeko auzolana eta jaialdia dokumental batean biltzea erabaki zuen, HTX 20. Elkarrekin edozer dugu posible izenpean. Iñaki Alforja zuzendari iruindarrak auzolan erraldoi horren parte izan ziren 20 lagunen istorioak bildu zituen. “Orain, gure itxialdia eramangarriago egin eta oraindik 238 herritarren itxialdi luzeegia gerturatu asmoz”, sarean ikusgai jarri dute dokumentala.

You may also like

Anje Duhaldek ‘Muga bat beti hor’ kanta eta bideoklipa aurkeztu ditu
Posted on 2023-01-25 by KulturSharea
Anje Duhaldek ibilbide luzea du egina musikan eta bere sormenak ez [...]
Sara Azurza abeslariak ‘Hemen berriro’ abestia eta bideoklipa kaleratu ditu
Posted on 2023-01-13 by KulturSharea
Album berriaren aurkezpenaren atarian, abeslari donostiarrak bere [...]
Delirium Tremens taldeak ‘Mundu zoragarria’ kantaren bertsioa eta bideoklipa aurkeztu ditu
Posted on 2023-01-13 by KulturSharea
Mutrikuko taldeak abestiari beste zentzu bat eman dio: “Gureagoa, [...]
Jon Maiak garenari buruz hausnartzen du ‘Kantu hau kantatu’ abesti berrian
Posted on 2022-12-20 by KulturSharea
Kantu honek garenari buruz hausnartzen du, Jon Maiaren begirada [...]
12348

Page 1 of 48

Zabaldu: