Islandiako paisaiak poemetara ekarri ditu Iosune de Goñik ‘Hutsak gure izena ahoskatu zuenean’ liburuan

Posted on 2026-11-19 by KulturSharea

2023an Islandiara egindako bidaia du abiapuntu Hutsak gure izena ahoskatu zuenean poema-liburuak, Susa argitaletxearen eskutik ikusi du argia.

Aurretik ezagutzen ez zituen hiru emakume artistarekin bidaiatu zuen Islandiara Iosune de Goñik. Han bizitakoak, bertako folklorea, mitoak eta kondairak elkartzen dira bere poema-liburu berrian, ekologiarekiko konpromisoarekin batera. Kultur Shareari azaldu dionez, gizakia naturatik bereizitako izakia ez dela erakustea dago lanaren erdigunean: “Naturaren parte garela”.

Ideia horrek liburuaren forman ere badu isla. Poemek ez dute izenbururik, ez du puntuazio-markarik erabiltzen eta testua jario bakar baten parte gisa idatzi du, poema luze bat balitz bezala. Hautu horrekin “horizontalitate bat lortzea eta gauza guztiak maila berean egotea” bilatu du.

Poesia espekulatiboaren esparruan kokatzen du lana De Goñik. Fantasiak eta magiak lekua dute bertan, baina bizipen erreal eta zehatzak ere badira oinarrian. Idazketa-prozesua bidaian bertan hasi zen; ondoren, Islandiako kultura, historia, geologia eta botanika ikertu zituen, tradizio literarioarekin elkarrizketan.

2023. eta 2024. urteen artean idatzi zuen liburua egileak. Argitalpena iritsi bitartean beste lan bat idatzi eta argitaratu duenez, berezia egin zaio testu honetara itzultzea. Editoreen laguntzarekin, edizio lanetanaurreko liburuetan baino esku gehiago sartu duela azaldu du.

Izenburuari dagokionez, “hutsaren deia” kontzeptutik dator, Islandian behin baino gehiagotan sentitu zuen sentsaziotik. Ideia horren bidez, lurraldeari agentzia eman nahi izan dio, natura gizakiak behatzen duen objektu pasiboa izan ez dadin. Norberaren nia desegiteaz eta inguratzen gaituzten izakiekin etengabeko hartu-emanean egoteaz ere hitz egiten du liburuan.

You may also like

‘Ateak itxita’ proiektuaren bigarren emaitza: ‘Egoerak’
Posted on 2020-06-22 by KulturSharea
Kukai Dantza taldeak eta Nafarroako Unibertsitateko Museoak Ateak [...]
Skakeitan ft Sua & Xsakara: ‘Apatia’
Posted on 2020-06-21 by KulturSharea
Apatia kantuaren bideoklipa aurkeztu du Skakeitan talde donostiarrak. [...]
‘Bi mahai eta behi bi’, The Binilos taldearen abesti berria
Posted on 2020-06-11 by KulturSharea
The Binilos taldeak konfinamendua hasi aurretik grabatutako irudiekin [...]
‘Amets egin’, EraBateraren disko berriaren aurrerapen kantua
Posted on 2020-06-11 by KulturSharea
Gatibun baketak astintzen aritzeaz gain, Gaizka Salazar musikariak [...]
‘Zurekin batera’ ETS taldearen kantu eta bideoklip berria
Posted on 2020-06-10 by KulturSharea
ETS taldeak aurkeztu duen Zurekin batera kantua itxialdi egoeran [...]
Zea Mays taldeak ‘Hiri Eri’ abestiaren bideoklipa aurkeztu du
Posted on 2020-06-05 by KulturSharea
Zea Mays taldeak ekainaren 12an eskainiko du zuzenekoa taula gainean [...]

Page 37 of 64

Zabaldu: