Maitena Illarramendik eta Iñigo Sarasola marrazkilariak ‘Kateriñe’ izeneko komikia plazaratu dute

Maitena Illarramendik eta Iñigo Sarasola marrazkilariak ondu dute lana eta hausnarketa eta oihu kolektibo bat piztea du helburu.

Maitena Illarramendik eta Iñigo Sarasola marrazkilariak Kateriñe komikia aurkeztu dute Erein argitaletxearen eskutik. Egileek beren amamak 1936ko gerran bizi izandakoak jaso dituzte lan honetan.

Illarramendik azaldu duenez, “istorio hau ez da hasten orain, ezta komikiaren lehen binetarekin ere. 1936ko uztailaren 19an hasi zen, gure amama Kateriñeren barruan, eta su baxuan gordeta egon da urte askoan. Orain oihu moduan atera da, irrintzi bihurtuta, eta guk forma eman diogu. Ez da oihu pertsonal bat soilik: beste askoren ahotsa ere bada. Gerrako zauri kolektibo baten adierazpena da, eta gaur egun ere bizirik dirau”.

Katerine “emakume sentsitiboa, intuitiboa eta memoria historiko bizikoa” zela adierazi dute egileek, “24 urterekin, gerrak eztanda egin zuenean, Tolosa utzi behar izan zuen eta bonbetatik ihesi ibili zen Donostia, Bilbo eta azkenean Hendaia zeharkatu zituen ihesean. Bizirik atera zen biktima bat izan zen”.

Komikian bi testigantza agertzen dira: aitonarena eta amamarena, “bi ikuspegi, bi min mota. Eta bi minen arteko elkarrizketa. Helburua da hausnarketa eta oihu kolektibo bat piztea”.

Aitona Eusko Jaurlaritzako agintarien txoferra izan zen eta “autoan eserita, lehen eskutik jasotzen zuen informazioa, elkarrizketak entzunez”.

Amamak, berriz, beti idazten zuen, “eguneroko bat zeraman, baina beldurragatik suntsitu egin zuen. Geroago, 80 urte pasata, berriz hasi zen. Guri ere beti kontatzen zizkigun gerra garaiko istorioak”.

Illarramendi Kateriñeren biloba da, eta testuak egokitzeaz arduratu da. Baina berez, “Kateriñe Letamendi bera da obra honen benetako autorea, nire amama, iturri testuak amamak idatzi zituelako”.

Egileek argi utzi dute, “ez da propaganda, ez da historia-liburu bat: bizipen erreal bat da, irakurlearen barren- barrenera heltzeko egina. Gerra ez da bonbak bakarrik: etxea galtzea, senideak galtzea, ihes egitea, beldurra hezurretaraino sartzea. Amama negarrez ikustea da, eta orain bere malkoak hitz bihurtzea”.

You may also like

Merina Gris taldeak ‘Saiatzen naiz’ abestia eta bideoklipa aurkeztu ditu
Posted on 2021-01-29 by KulturSharea
Ed Is Dead produktore ospetsuak ekoitzi du lan berria eta Izaro [...]
Grises taldeak ‘Galdu arte’ abestiaren bideoklipa aurkeztu du
Posted on 2021-01-27 by KulturSharea
Joan den urrian Azpeitian eskainitako kontzertuko irudiekin osatu du [...]
Ilargi abeslariak ‘Betirarte’ diskoaren aurrerapen kanta aurkeztu du
Posted on 2021-01-26 by KulturSharea
Ilargi abeslari gazteak Betirarte bere lehen diskoa izango den lehen [...]
Anjel Lertxundi eta Inazio Mujikaren bina alerekin eman zaio hasiera ‘Pikotxean’ sailari
Posted on 2021-01-25 by KulturSharea
Anjel Lertxundi eta Inazio Mujika idazleen bina alerekin eman zaio [...]
Nerea Arrien idazleak etxeari buruzko gogoeta bat dakar ‘Etxegabetuak’ eleberrian
Posted on 2021-01-15 by KulturSharea
Ametsez, iraganez edota nostalgiaz eraikitako etxeetan jarri du arreta [...]
Potx eta Lotx pailazoek ‘Txunpa Txun’ abestia eta bideoklipa aurkeztu dituzte
Posted on 2021-01-05 by KulturSharea
Urte berriarekin batera Potx eta Lotx pailazoek Txunpa Txun izeneko [...]
‘Terapia’ ØDEI rap abeslariaren bakarkako lanaren aurrerapen kanta
Posted on 2020-12-23 by KulturSharea
ØDEI rap abeslariak 'Terapia' abestiaren bideokliparekin aurkeztu du [...]
Kalakan taldeko ‘Xoriñoa kaiolan’ kanta askatasun oihu bat
Posted on 2020-12-22 by KulturSharea
Iparraldeko folk hirukoteak askatasunari egin dio dei Xoriño [...]

Page 29 of 60

Zabaldu: