Ramon Olasagasti idazleak gazteei zuzendutako ‘Memoriaren giltza’ liburua plazaratu du

36ko gerra garaian, Ezkaba mendian zegoen kartzelako ihesaldian dago oinarrituta istorioa.

Memoria historikoaren gaia hartuta Ramon Olasagasti kazetari idazle eta itzultzaileak (Berrobi, 1972) Memoriaren giltza liburua kaleratu du Erein argitaletxearen eskutik. Gazteei zuzendutako narrazio labur hau markaz betea dagoela dio Inazio Mujika editoreak, “markak diot liburuak 36ko gerraren garaiko istorio bat kontatzen duelako, Iruñean kokatua”.

Indio eta Tania nerabeak dira istorio honetako protagonistak, bata Txantrea auzokoa, bestea Nikaraguan jaioa eta biak mundua ikusten ikasten ari direnak.

Pertsonaia horiek sarri ibiltzen dira Ezkaba mendiko baso, bidezidor eta hegietan, zer suma, zokomiran. Arratsalde batean ikusitakoak, ordea, asaldatuta utzi ditu erabat. Eskeleto batzuk ikusi dituzte eta baita gizon-emakume horien hezurren artetik atera duten botila ere. Ondoko egunetan, beste aurkikuntza garrantzitsu bat egingo dute Zubixarreko siman: giltzatzar herdoildu bat.

Ezustean, iraganeko hainbat pasarte ilunen ateak zabalduko dizkie giltza horrek: Ezkabako gotorlekua espetxea zen garaian gertatu zen ihesaldi harrigarriaren berri jakingo dute, eta giltzapean egondako memoriak askatzen lagunduko dute.

Olasagastik historialariek kontatutakoa hartu du oinarri gisa ipuina ontzeko. Bere ustez, “lan handia egin dute historia hau guztia jasotzen. Gertatutakoak, mugitu eta ukitu egiten nau eta ipuin hau ariketa xume bat da irakurlea gertatutakoarengana gehiago gerturatzeko. Bere txikian, memoria horri eusteko”.

You may also like

Rashid Khalidiren ‘Ehun urteko gerra Palestinaren aurka’ liburua ekarri du euskarara Iñaki Alegriak
Posted on 2024-06-20 by KulturSharea
Palestinako historiaz euskarazko libururik ez zegoela ikusita, eta [...]
Gorka Urbizu: “Diskoa desazeleraziorako gonbidapen bat da, artea edo musika arretaz bizitzeko”
Posted on 2024-06-17 by KulturSharea
Lekunberrikoak bere musika unibertsora leiho txiki bat ireki nahi izan [...]
Uztapide eta Xalbador. Bi adiskide mugaz gaindi liburua kaleratu du Pako Aristik Erein argitaletxearen eskutik
Posted on 2024-06-14 by KulturSharea
Uztapide eta Xalbador. Bi adiskide mugaz gaindi liburua kaleratu du [...]
‘Francesco Pasqualeren bosgarren arima’ ipuinez osatutako eleberria aurkeztu du Unai Elorriagak
Posted on 2024-06-04 by KulturSharea
Pasquale Algortako idazlearen arbasoa da eta liburua bere bizitzan [...]
Haurdunaldi subrogatuen inguruko analisi feministak bildu ditu June Fernandezek
Posted on 2024-05-23 by KulturSharea
Susa argitaletxearen Lisipe bilduma feministaren baitan ikusi du argia [...]
Mikel Etxaburu idazle bizkaitarrak ‘Manttalingo alaba’ poema liburua kaleratu du
Posted on 2024-04-24 by KulturSharea
Poemak musikatuz, Ondarroako idazleak ordubeteko emanaldi bat antolatu [...]
12356

Page 1 of 56

Zabaldu: