Erakusketa mimo handiz egindako hiru istorioz osatuta dagoela diote antolatzaileek. Alondegoako Mediateka Galerian jarri dute ikusgai maiatzaren 14ra arte, Gutun Zuria jaialdiaren barruan.
Bilboko Alondegian egiten ari den Gutun Zuria jaialdiak Salda dago! erakusketa zabaldu du Mediateka Galerian, Andrea Ganuza, Charlotte Gosselin eta Clara Chotil ilustratzaileen eskutik. Erakusketa Bilboko zentroak Quebec-eko Maison de la Littérature eta Angoulême-ko cité Internationale de la Bande Dessinée et de l’image-rekin batera bultzatutako Komikiaren Nazioarteko Egoitzen esparruen barruan dago.
Salda dago! lan handiarekin prestatutako hiru istorioz osatuta dago. Prozesuaren fase desberdinetan eginak dauden hiru “protolibro” ditu. “Hirurak aldi berean kozinatuta, osagai batzuk errepikatzen dira, adibidez, tipula eta baratxuri sofritu bat etxeko gisatu batean. Beste batzuk, berriz, berritzaileak izan daitezke, edo baita mingarriak ere: Arriskutsua al da juliana gorri gehiegi hori? Grafitozko marra horiek pixka bat kozinatuago egon daitezke? Lerroaren eta orbanaren arteko kontraste horiek ondo daude, edo irin pixka batekin hobeto lotuta egon daitezke? Hau ez da komiki tradizional bat, zapore berriak egostea baizik”, azaldu dute antolatzaileek.
Hiru egileak
Andrea Ganuza (Iruñea, 1988), Alondegiak hautatuta, Atraviésame Medellin hirian 2017tik 2020ra bitartean gertatzen diren istorio laburren bilduma gisa aurkezten den eleberri grafikoaren egilea da. Esperientzia pertsonaletik hasita, sentipenen eta poesiatik hurbil dagoen estilo baten bidez.
Charlotte Gosselinen (Quebec, 1996) proiektua, Quebec-eko La Maison De La Litteraturek hautatuta, Our Relapses da. Bertan, narrazio poetikoaren, elkarrizketen eta marrazkien artean nabigatzen du artistak, menpekotasunaren, elkarren mendeko harremanen, laguntza taldeen eta berreskurapenaren gaiak sentikortasunez jorratzeko. Bere buruaz ahaztu eta bere bikotekidea salbatzen saiatu den narratzaile bati jarraituko dio istorioak. Bi pertsonaiak oreka eta berreskurapenerako bidea aurkitzen saiatuko dira.
Clara Chotilen (1992) proiektua, Angoûleme-ko La Cité Internationale de la Banda Dessinée et L’imagek hautatuta, Tehoka izeneko fikzioa da, bi familiaren kontakizun gurutzatuaren bidez Douradoseko (Brasil) lurraldearen historia islatzen duen ikerketa dokumental bat. Valdir, kolono nordestinoen ondorengoa den eta Cecilia, Kaiowa militante gaztearen arteko liskarrak erakusten ditu. Kontakizun hau kolonizazio oso berri baten historian murgiltzen da.
Komikiaren Nazioarteko Egoitza Alondegiaren Sorkuntzari Laguntzeko Programaren barruan dago, komikigintzaren esparruan sorkuntza sustatzeko eta hainbat herrialdetako pertsonen arteko topaketa bultzatzeko, nobela grafikoaren funtsezko ingurune profesionaletan, beste diziplina garaikide artistiko batzuetako artistekin konektatuz.