Nathacha Appanah eta Maria Belmonte egileek hartuko dute parte. Bi ekitaldiak 19:00etan hasiko dira.
Emakume Idazleen Mundu bat, 36. Nazioarteko Literatura Topaketak egingo dira azaroaren 6an eta 7an, Donostiako San Telmo Museoan. Donostia Kulturak antolatu eta Luisa Etxenikek koordinatzen du zikloa eta oraingoan Nathacha Appanah eta Maria Belmonte egileek hartuko dute parte.
Azaroaren 6an, asteazkena, Nathacha Appanah idazlearen hitzaldia izango da. Luisa Etxenike izango da moderatzailea.
Ostegunean, berriz, Maria Belmonte idazleak Slawka Grabowska moderatzailearekin solastuko da.
Bi hitzorduak arratsaldeko 19:00etan izango dira, sarrera librearekin edukiera bete arte.
Nathacha Appanah (Maherbourg, Mauricio uhartea, 1973). Bere lehen eleberria, Les Rochers de Poussière d ‘Or (Gallimard argitaletxea), 2003an argitaratu zuen. Besteak beste, Dernier Frère (2007), Tropique de la violence (2016) eta Rien ne t’appartient (2021) liburuen egilea da. Bere lanak familia harremanak, memoria, geopolitika eta gizarte gaiak jorratzen ditu. Maurice uhartean jaio zen eta Frantzian bizi da azken urteotan. Bere liburuak hainbat hizkuntzatara itzuli dira, besteak beste, euskarara, eta literatura sari ugari irabazi ditu. 2022an, Frantses Hizkuntzaren Saria jaso zuen bere obra guztiagatik, eta Sciences Po-ko idazle katedra hartu zuen. 2023an argitaratu zuen La Mémoire délavée liburuarengatik Prix des Ecrivains du Sud saria jaso zuen.
Maria Belmontek (Bilbo, 1953) Historia ikasi zuen Deustuko Unibertsitatean, eta Antropologia Bartzelonako Unibertsitate Autonomoan. 1995ean doktoregoa atera zuen Euskal Herriko Unibertsitateko Balioen Filosofia eta Gizarte Antropologia sailean, erlijioaren historiari buruzko tesia eginda. Itzultzaile tekniko-literario eta interprete gisa egiten du lan. Hainbat literatura aldizkaritan eta prentsa idatzian kolaboratzen du, hala nola La Vanguardia. Egile gisa, Peregrinos de la belleza. Viajeros por Italia y Grecia (2015), Los senderos del mar. Un viaje a pie (2017), En tierra de Dioniso (2021) eta El murmullo del agua. Fuentes, jardines y divinidades acuáticas (2024) argitaratu ditu, guztiak Acantilado argitaletxean. Gaur egun Alt-Penedesen (Bartzelona) bizi da.