Euskal Zinemaren Astea otsailaren 25etik martxoaren 2ra bitartean egingo dute Gasteizen. 35. edizio honek euskal zinemagintzako profesionalek egin edo ekoitzitako lan onenak bilduko ditu beste behin ere egitarau oparo batean.
Besteak beste, Josu Martinez-en Ama eta Paul Urkijoren Errementari filmak pantailaratuko dituzte otsailaren 28an. David P. Sañudoren Ane eta Koldo Almandozen Oreina berriz, martxoaren 1ean.