Ekainaren 16ra arte ikusi ahal izango dira bi margolari nafarren obrak Ziudadelako Mistoen Eraikinean. Biek partekatzen dute paisajismoa eta ingurune hurbil eta maitatuenaren isla errealista, baina teknika desberdinetatik.
Iruñeko Ziudadelako Mistoen eraikineko lehen solairuan Manuel Bermejo eta Xabier Celestino artista nafarren lanak biltzen dituen erakusketa paratu dute hilaren 16ra arte. Bi egileak haien bizipen existentzialen isla diren hiri-bizitzaren eta landa-paisaiaren artean mugitzen dira, bakoitzaren sormen-unibertsoa definitzen duten estilo eta ezaugarriekin. Biek partekatzen dute paisajismoa eta ingurune hurbil eta maitatuenaren isla errealista, baina teknika desberdinetatik.
Bermejok, bere pinturaren bilakaeran, errealismo klasikoaren zuzentasun formala gainditzea lortu du, eta, figurazioa alde batera utzi gabe, lengoaia plastiko finagoa erabiltzera ausartu da, sintesizko-trataera bat bilatuz, kolore-planoak eta marrazki ez hain zehatzak eta geometrikoagoak sortzeko. Berritasun horrek, bere lanik errealistenekin batera, lanak lantzeko orduan libre sentitzen den egile bat aurkezten digute.
Celestino, berriz, giza erreferenterik gabeko pinturara hurbildu da erakusketa honetarako. Landa-paisaia da nagusi, eta haren lanak lanbrotsuak dira askotan, tonu grisez (beroak eta hotzak), berde ugariz eta itzalen arteko eguzki-printzez beteak. Hori guztia, errealitatearen parte gisa, denboraren joanaren sinbolo eta espazioan zeharreko mugimendu gisa hartutakoaren kontzeptutik abiatuta.