47 ikuskizunez osatuta dago aurtengo Nafarroako Arte Eszenikoen Zirkuituaren programazioa. Bigarren edizio hau otsaila eta urria bitartean egingo da Nafarroako 30 herritan. Emanaldi guztiak Nafarroako Antzoki Sareko bazkide diren hainbat espazio eszenikotan izango dira.
Nafarroako Zirkuitu honek antzerkiari bultzada bat ematea du helburu eta horrekin batera, sareko espazioen ohiko programazioa aberastea.
Antzerki taldeen jatorriari dagokionean, zirkuituaren programazioaren erdia baino gehiago Nafarroako Antzerki eta Dantza taldeen ikuskizunek osatzen dute: Producciones Maestras, Fueradeleje, In Extremis, La Caja, Arantxa Villanueva Cía de Danza, Quiero Teatro eta Yarleku Teatro.
Hauek izango dira ikuskizunak: Producciones maestras taldearen Loco desatino ikuskizuna, hau Zangotza, Noain, Mutiloa, Azagra, Tafalla, Altsasu, Agoitz, Cintruenigo eta Ribaforada herrietan eskainiko da; eta Nafarroako Fueradeleje dantza-taldearen ¿Quién teme al lobo feroz?. Bigarren hau Lizarra, Valtierra, Mutiloa, Los Arcos, San Adrian, Lesaka, Viana, Lodosa eta Castejon herrietan eskainiko da.
Guzti horietaz gain, Bizkaiko Markeliñe antzerki konpainiaren Euria ere ikusteko aukera egongo da, besteak beste.
Egitarau osoa hemen.