Abenduaren 26tik 27ra izango dira Bertso Negulekuak, Legasan eta Amaiurren. Izena emateko epea zabalik da jada.
Nafarroako Bertso Eskoletako gazteentzako egonaldia antolatu du Nafarroako Bertsozale Elkarteak, azken urteetako ohiturari eutsiz. Aurten ere bi txandatan bereiziko dira Nafarroako Bertso Negulekuak, ikasmailaren arabera: DBHko ikasleek Amaiurren gozatuko dute egonaldiaz, Amaiurko Aterpean; LHkoek Legasan, Kattalin Aterpetxean. Bi txandak 26tik 27ra izango dira eta Nafarroako Bertso Eskoletako irakasleak ariko dira begirale lanetan.
Egitasmoak hainbat helburu ditu. Bereziki, “herrialdeko Bertso Eskoletan dabiltzan gazteen arteko harremanak bultzatu eta elkar ezagutzan sakontzea da xede nagusia”, adierazi du Nafarroako Bertsozalek. Horrekin batera, “bertsolaritza eskolako logikatik atera eta aisialdiko eremura eraman” nahi dute. Norabide horretan, bi txandetarako egitarau oparoa antolatu du elkarteak.
Izena emateko epea gaurtik, azaroak 25, abenduaren 16ra egongo da zabalik, eta, horretarako, ondoko galdetegia bete beharko da.
Egitaraua
DBHko ikasleen txanda (Amaiur)
Abenduak 26
11:00etan, Amaiurrera iritsi eta ongi etorria
11:00etatik-12:00etara, harrera eta logelen banaketa
12:00etan, Amaiurko gaztelura txangoa
14:00etatik-16:00etara, jolas librea
16:00etan, Amaiurko errotara bisita eta talo tailerra
18:30etan Bertso saioaren prestaketa
20:00etan, bertsolariekin solasaldia
20:30ean, Bertso afaria: Amets Arzallus eta Alazne Untxalorekin
23:00etan, Gaubela
Abenduak 27
9:00etan, gosaria
10:00etan talde jolasak frontoian
11:30ean itzulera
Lehen Hezkuntzako ikasleen txanda (Legasa)
Abenduak 26
11:00etan, ongi etorria
11:30ean, Bertizera txangoa
13:00etan, bazkaria Bertizen (norberak eramana)
16:30ean, bertso saioaren eta ginkanaren prestaketa
18:30etan, Bertso saioa Ekhiñe Zapiain eta Joanes Illarregi bertsolariekin
20:30ean, afaria
22:00etan, Gaubela
Abenduak 27
8:30ean, gosaria
10:00etan ginkana herrian barrena
11:45ean itzulera