Alain Resnais zinemagileak Guernica filma Eluarden Gernikako garaitza poeman oinarritu zuen.
“Gernika. Bizkaiko herri koskor bat duzue, Euskal Herriaren betidaniko hiriburua. Han dago zutik Haritza, euskal usadioen eta askatasunaren sinbolo sakratua. Gernikaren garrantzia historikoa eta sentimentala da”, zioen Paul Eluard poetak Gernikako garaitza poeman.
1937ko apirilaren 27an, feria eguna, arratsaldeko lehen orduetan, Francok zerbitzupean zituen hegazkin alemanek hiru ordu t’erdiz bonbardatu zuten Gernika, txandakatu egiten ziren zenbait eskuadrilletan. Herria guztiz erraustua eta suntsitua izan zen. Bi mila hildako izan ziren, denak zibilak. Bonbardaketa honen helburua bonba leherkarien eta bonba errausleen konbinaketak biztanleria zibilaren gainean zeuzkan gerokoak aztertzea zen.
Alain Resnais zinemagileak Guernica filma Eluarden Gernikako garaitza poeman oinarritu zuen. Filmaren hasieran Jacques Pruvostek 1937ko apirileko Gernikako bonbardaketa azaltzen du. Gero Maria Casares aktoreak Paul Eluarden poema errezitatzen du; filmean zehar Pablo Picassoren hainbat margolan, eskultura eta marrazki erakusten dira, horien artean Gernika kuadro ospetsua.
Paul Eluarden La victoire de Guernica poema Mikel Antzak euskaratu eta Susa aldizkarian argitaratu zuen 1987an plazaratutako zenbaki berezian.
Guernica film hori 1950. urtean aurkeztu zuen Alain Resnais zinemagileak eta 70 urte beranduago euskarazko azpitituluekin daukagu sarean ikusgai.
Mikel Antzak Gernikaren garaipena poemaren itzulpena berridatzi zuen; hemen duzue irakurgai.