Giza Eskubideen Adierazpenaren urteurrenean, larunbat honetan argazki erakusketa batek 1976ko martxoaren 3a gogoratuko.
Giza Eskubideen Adierazpen Unibertsalaren urteurrenarekin bat eginez, Memoria Gara ekimenak M3 Photo izeneko argazki erakusketa antolatu du, hiriaren memorian grabatuta geratu zen 1976ko martxoaren 3ko odoltsu hura gogoratzeko. Larunbat honetan, abenduaren 14an, izango da, eguerdiko 12:00etatik aurrera, Katedral Berriaren aurrean, Prado eta Cadena eta Eleta kaleen arteko elkargunean, hain zuzen.
Erakusketak 1976ko martxoaren 3ko argazki tragikoak eta Katedral Berriak hartu zuen hileta jendetsuaren irudiak biltzen ditu. Horretaz gain, San Frantzisko Asiakoaren Elizaren beraren argazkiak eta planoak daude ikusgai. Izan ere, Memoria Gara herri ekimena da eta Zaramagako Eliza Memoriaren eta Giza Eskubideen zentro bihurtzea du helburu.
Urtebete pasatxo da Memoria Gara ekimena aurkeztu zutela eta dagoeneko, modu ezberdinetan gizarteratu du bere proposamena. Justu duela urtebete, hamarnaka lagunek Asiseko San Frantzisko Eliza inguratu zuten, orain itxita dagoen hiri honen oroimenaren sinbolo bat berreskuratzeko, San Frantzisko Eliza, kasu. Gainera, otsailean, Galdutako denboraren bila, txokolate bat eta oroigarri baten truke magdalena bat izeneko ekimena garatu zuen Memoria Gara-k. Prousten eleberri ospetsuan bezala, zaporeak erabili ziren, kasu honetan magdalenak dituen txokolate on bat, 1976ko martxoaren 3ari eta bere testuinguruari buruzko oroitzapenak astintzeko.
Aldi berean, Memoria Garak bilerak egin ditu Gasteizko Gotzaindegiarekin eta erakunde publikoekin (Gasteizko Udala, Arabako Foru Aldundia eta Gogora), proiektuaren nondik norakoak partekatzeko. Gai horiez guztiez eta datozen hilabeteetan garatuko diren ekimen berriez mintzatuko da Memoria Gara erakusketan, larunbatean, 12:00etan.
📸Giza Eskubideen Adierazpenaren urteurrenean, larunbat honetan argazki erakusketa batek 1976ko martxoaren 3a gogoratuko du
📆Abenduak 14
🕛12.00etatik aurrera
📍Katedral Berriaren aurreanhttps://t.co/CGGcQSSonh pic.twitter.com/BcqhrgiDOx
— Memoria Gara #MemoriaGara (@MemoriaGara) December 11, 2019