Iruñean kokatu du istorioa egileak eta protagonista hainbat heriotza ekarriko dituen gertakari-kate baten ikerketan murgilduko da.
Aingeru Epaltza idazleak (Iruñea, 1960) duela 20 urte idatzitako Rock’n’Roll nobelako Edu Saragueta pertsonaia berreskuratu du, Donostian aurkeztu duen Erretzaile damutuen konpainia (Elkar) eleberrirako. Idazleak azaldu duenez, pertsonaia berreskuratu du urte hauetan irakurle batek baino gehiagok Edu berpiztea iradoki izan diolako, “momentu batean nik ere ideia hori izan nuen buruan, baina beste proiektu batzuetan nenbilen eta orain gauzatu ahal izan dut”.
Pertsonaia berreskuratu duen arren, “Edu diferente bat da orain”, dio idazleak. 20 urte gehiago ditu eta hirurogei urteko talaiara iristen ari da. Rock’n’Roll eleberrian “nahiko bizimodu desastrea zuen, alkoholarekin arazoak zituen, drogarekin ere bai, tabakoarekin…”. Orain, berriz, “osasun arazoak gainditu ditu, ez du erretzen, oso alkohol gutxi edaten du, drogetatik urrun bizi da eta lagun talde bat du, hain zuzen ere, erretzaile damutuen konpainia, sostengua ematen diona bizi osasuntsu horretan”.
Gainerakoan, baina, bere bizitzak desastre bat izaten jarraitzen duela kontatu du Epaltzak: ez du lanik, ez dirurik, ez osasun onik, ez bikote-lagunik. Horiek guztiak lortzeko eta bere bizitza aldrebestua zuzentzeko ahaleginak egingo ditu protagonistak, eta bilaketa horretan hamaika xelebrekeria biziko ditu, baita hainbat lagun bitxi ezagutuko ere.
Idazleak genero beltza aukeratu du oraingoan ere eskuartean dugun liburu hau ontzeko. Izan ere, hainbat heriotza ekarriko dituen gertakari-kate baten ikerketan murgilduko da protagonista. “Trama beltz honetan boterea, islamismoaren mamua… nahasiko dira, eta batez ere hor Iruñea multietniko bat agertuko da”, kontatu du.
Nobela beltz petoa izan arren, komedia garratz zein erotikoa ere bada Epaltzak argitaratu duen lan berria.
You may also like
![Euria egin arren, orgen festak Elizondoko kaleak alaitu zituen atzo eta jai giroa izan zen nagusi](https://img.youtube.com/vi/yGLw6AUWapo/mqdefault.jpg)
![](https://sp-ao.shortpixel.ai/client/q_glossy,ret_img/https://kultursharea.eus/wp-content/plugins/all-in-one-video-gallery/public/assets/images/play.png)
![Ramon Olasagasti idazleak gazteei zuzendutako ‘Memoriaren giltza’ liburua plazaratu du](https://img.youtube.com/vi/4VJJyqk8-dM/mqdefault.jpg)
![](https://sp-ao.shortpixel.ai/client/q_glossy,ret_img/https://kultursharea.eus/wp-content/plugins/all-in-one-video-gallery/public/assets/images/play.png)
![Rashid Khalidiren ‘Ehun urteko gerra Palestinaren aurka’ liburua ekarri du euskarara Iñaki Alegriak](https://img.youtube.com/vi/A-vkEi7Hnow/mqdefault.jpg)
![](https://sp-ao.shortpixel.ai/client/q_glossy,ret_img/https://kultursharea.eus/wp-content/plugins/all-in-one-video-gallery/public/assets/images/play.png)
![Gorka Urbizu: “Diskoa desazeleraziorako gonbidapen bat da, artea edo musika arretaz bizitzeko”](https://img.youtube.com/vi/JQ9DU1XOzs8/mqdefault.jpg)
![](https://sp-ao.shortpixel.ai/client/q_glossy,ret_img/https://kultursharea.eus/wp-content/plugins/all-in-one-video-gallery/public/assets/images/play.png)
![Uztapide eta Xalbador. Bi adiskide mugaz gaindi liburua kaleratu du Pako Aristik Erein argitaletxearen eskutik](https://img.youtube.com/vi/j1cJ-FqSuHU/mqdefault.jpg)
![](https://sp-ao.shortpixel.ai/client/q_glossy,ret_img/https://kultursharea.eus/wp-content/plugins/all-in-one-video-gallery/public/assets/images/play.png)
![‘Francesco Pasqualeren bosgarren arima’ ipuinez osatutako eleberria aurkeztu du Unai Elorriagak](https://img.youtube.com/vi/JsuDcjpuwlI/mqdefault.jpg)
![](https://sp-ao.shortpixel.ai/client/q_glossy,ret_img/https://kultursharea.eus/wp-content/plugins/all-in-one-video-gallery/public/assets/images/play.png)
![Haurdunaldi subrogatuen inguruko analisi feministak bildu ditu June Fernandezek](https://img.youtube.com/vi/LjR5_rluzFQ/mqdefault.jpg)
![](https://sp-ao.shortpixel.ai/client/q_glossy,ret_img/https://kultursharea.eus/wp-content/plugins/all-in-one-video-gallery/public/assets/images/play.png)
![Urtzi Urkizu: “Pertzepzioa da ETB urrun dagoela herriak dituen nahietatik, eta euskararen normalkuntzari begira ahalegin handia egin beharko litzateke”](https://img.youtube.com/vi/j3G6lC0efWY/mqdefault.jpg)
![](https://sp-ao.shortpixel.ai/client/q_glossy,ret_img/https://kultursharea.eus/wp-content/plugins/all-in-one-video-gallery/public/assets/images/play.png)
![Gotzon Barandiaranek ‘Galbahea poema’ liburua kaleratu du](https://img.youtube.com/vi/C_TD6M-ixkw/mqdefault.jpg)
![](https://sp-ao.shortpixel.ai/client/q_glossy,ret_img/https://kultursharea.eus/wp-content/plugins/all-in-one-video-gallery/public/assets/images/play.png)