Aingeru Epaltzak Edu Saragueta pertsonaia berreskuratu du ‘Erretzaile damutuen konpainia’ eleberrirako

Posted on 2022-10-10 by KulturSharea

Iruñean kokatu du istorioa egileak eta protagonista hainbat heriotza ekarriko dituen gertakari-kate baten ikerketan murgilduko da.

Aingeru Epaltza idazleak (Iruñea, 1960) duela 20 urte idatzitako Rock’n’Roll nobelako Edu Saragueta pertsonaia berreskuratu du, Donostian aurkeztu duen Erretzaile damutuen konpainia (Elkar) eleberrirako. Idazleak azaldu duenez, pertsonaia berreskuratu du urte hauetan irakurle batek baino gehiagok Edu berpiztea iradoki izan diolako, “momentu batean nik ere ideia hori izan nuen buruan, baina beste proiektu batzuetan nenbilen eta orain gauzatu ahal izan dut”.

Pertsonaia berreskuratu duen arren, “Edu diferente bat da orain”, dio idazleak. 20 urte gehiago ditu eta hirurogei urteko talaiara iristen ari da. Rock’n’Roll eleberrian “nahiko bizimodu desastrea zuen, alkoholarekin arazoak zituen, drogarekin ere bai, tabakoarekin…”. Orain, berriz, “osasun arazoak gainditu ditu, ez du erretzen, oso alkohol gutxi edaten du, drogetatik urrun bizi da eta lagun talde bat du, hain zuzen ere, erretzaile damutuen konpainia, sostengua ematen diona bizi osasuntsu horretan”.

Gainerakoan, baina, bere bizitzak desastre bat izaten jarraitzen duela kontatu du Epaltzak: ez du lanik, ez dirurik, ez osasun onik, ez bikote-lagunik. Horiek guztiak lortzeko eta bere bizitza aldrebestua zuzentzeko ahaleginak egingo ditu protagonistak, eta bilaketa horretan hamaika xelebrekeria biziko ditu, baita hainbat lagun bitxi ezagutuko ere.

Idazleak genero beltza aukeratu du oraingoan ere eskuartean dugun liburu hau ontzeko. Izan ere, hainbat heriotza ekarriko dituen gertakari-kate baten ikerketan murgilduko da protagonista. “Trama beltz honetan boterea, islamismoaren mamua… nahasiko dira, eta batez ere hor Iruñea multietniko bat agertuko da”, kontatu du.

Nobela beltz petoa izan arren, komedia garratz zein erotikoa ere bada Epaltzak argitaratu duen lan berria.

You may also like

Xabi Solano, ‘Askatasunaren besoetan’ kantua
Posted on 2020-11-10 by KulturSharea
Xabi Solano trikitilariak plazaratutako Trikitixa Liburua III-k [...]
‘Bila nazazu’, Mikel Markezen kantu berria entzungai
Posted on 2020-11-06 by KulturSharea
Hiru aste dira Esti Markezek Oroitzapenek esnatu naute kantua eta [...]
Durangoko Azokak 55. edizioaren spota aurkeztu du
Posted on 2020-10-29 by KulturSharea
Bihotz baten taupadak ematen dio hasiera iragarkiari. Azokako aurtengo [...]
Iker Laurobak ‘Udaberria’ kanta eta bideoklipa aurkeztu ditu
Posted on 2020-10-28 by KulturSharea
Iker Lauroba musikariak Udaberria izeneko kanta eta bideoklipa [...]
Toti Martinez de Lezeak ‘Egurra S.A’ intrigazko eleberria aurkeztu du
Posted on 2020-10-27 by KulturSharea
Liburu hau ontzea erronka bat izan da idazlearentzat, izan ere, [...]
‘Erlauntza’ filmaren trailerra ikusgai
Posted on 2020-10-26 by KulturSharea
Erlauntza filma azaroaren 6an estreinatuko da eta Kepa Errastik eta [...]
Endika LaHaine eta Hawaiiano Kid-en ‘Sputnik Outro’ kanta
Posted on 2020-10-23 by KulturSharea
Endika LaHainek eta Hawaiiano Kid-ek Sputnik Outro kanta berria [...]
Nøgen taldeak ‘Zeri Begira Hartu Nahi Duzu Lo?’ kanta aurkeztu du
Posted on 2020-10-23 by KulturSharea
Nøgen taldearen single berria dugu Zeri Begira Hartu Nahi Duzu Lo? [...]

Page 28 of 57

Zabaldu: