Amaia Astobizak Silvia Federiciren ‘Larruazalaren periferiaz haraindi’ saiakera euskaratu du

Posted on 2021-12-15 by KulturSharea

Liburu honetan, pentsalari eta idazle italiarrak azken hilabete eta urteetan egindako lanak antolatu ditu eta zentzu bat eman die.

Amaia Astobiza hizkuntzalari eta itzultzaileak Katakrak argitaletxeak argitaratutako Larruazalaren periferiaz haraindi saiakera liburua ekarri du euskarara. Silvia Federici idazle eta pentsalari italiarraren laugarren itzulpena du Astobizak.

Donostian egin dute liburuaren aurkezpena Hedoi Etxarte eta Maitane Unzu argitaletxeko kideek, Astobizak ezin izan baitu bertan egon.

Lan honetan, Federicik azken hilabete eta urteetan egindako lanak antolatu ditu eta zentzu bat eman die, feminismoaren hainbat konturen inguruan gogoeta egiteko asmoz. Orotara, hiru hitzaldi eta zazpi artikulurekin osatu du saiakera. Unzuk azaldu duenez, liburuan gai asko jorratzen dira: “badira lau atal eta hamar kapitulu aldi berean, eta bertan medikuntza arrazak, kutsadura, lurra, elikadura, psikologia, feminismoa, askapena, ekoizpena, antzezpena, ugaltzea, suizidioa, gorputzaren gaineko kontrola… aztertzen ditu”. Unzuren hitzetan, baina, haustura bat dago liburu honen eta bere aurreko lanen artean, “Federicik argitaratu zuen lehen liburua Etxeko lanen kontrako soldata liburua izan zen eta taldean idatzi zuen. Lan kolektibo horren ondoren, bakarkako bideari ekin zion. Hortik etorri ziren Caliban eta sorgina (2004), Iraultza zero puntuan (2012), Soldataren patriarkatua (2017), Mundua berriz liluratuz (2018) eta Kapitalismoa eta emakumeen aurkako indarkeria (2018). Bere liburu bakoitzean lanketa eta ikuspegi desberdinak ekarri ditu: ikerketa historikotik hasita, abagunea aztertzeko testu militanteen bildumetara eta lan mardulen eguneraketara”.

Etxartek azaldu duenez, “liburu honetan Silvia Federici berantiar bat dugu eta horrek esan nahi du ausartuko dela ordura arte ausartu ez den gaiak jorratzen, gaur egun eztabaida sutsuak pizten dituzten gaiak, prostituzioari, ugalketa subrogatuari dagozkionak, baina ausartzen da baita ere inoiz ez bezala, 1990eko hamarkadatik egin diren Freud, Foucault edota Butlerren irakurketak zalantzan jartzen”.

You may also like

Engelsen ‘Etxebizitzaren auzia’ liburua euskaratu du Ane Garciak Katakrak argitaletxearen eskutik
Posted on 2023-10-25 by KulturSharea
Kapitalismoan etxebizitza ulertzeko eta jabetza pribatuan [...]
Gorka Suaiak laster argitaratuko duen diskoaren bigarren aurrerapen karta kaleratu du
Posted on 2023-10-18 by KulturSharea
Ez dut abesteko beharrik du izena kantak eta Kostako Beatsek ekoitzi [...]
Gasteizko herri mugimenduko kolektiboen urtebetetzerako kantua sortu du Micek ‘Ehundu Gasteiz’ izenpean
Posted on 2023-10-16 by KulturSharea
Hala Bedi, Gasteizko Gaztetxea, Auzolana Pilotalekua, Errekaleor [...]
Goiatz Labandibar idazle oiartzuarrak ‘Bekatua’ eleberria plazaratu du
Posted on 2023-10-10 by KulturSharea
Garazi du protagonista bakarra eleberri honek, 36 urteko neska bat da, [...]
Ane Labaka idazle eta bertsolariak ‘Barraskiloek baino bat gehiago’ eleberria kaleratu du
Posted on 2023-10-06 by KulturSharea
Nobela honetako protagonista Sara da, hamar urteko neskato bat. Bere [...]
Ahoz kontatu eta belarriz jasotako testuak bildu ditu Uxue Alberdik ‘Belarriko Kilkerrak’ liburuan
Posted on 2023-10-05 by KulturSharea
Liburuan hiru zutabe nagusi dira: ahozkotasuna, transmisioa eta [...]
Dani Martirena da ‘Kultur Zarea’ bideo bildumaren protagonista berria
Posted on 2023-10-02 by KulturSharea
Dani Martirena Indart eta Ana Ibañez Elosua legasarrek haurrendako lau [...]
Martin eta Xabier Etxeberria anaiek ‘Artxipelagoa’ podcastari komiki formatua eman diote
Posted on 2023-09-22 by KulturSharea
Idazleek Alex Sanvi eta Sergio Roman Sedyas ilustratzaileak izan [...]
Iragan hurbila gure orainera ekarri du Xabier Mendigurenek ‘Oso latza izan da’ eleberrian
Posted on 2023-09-20 by KulturSharea
Lanak Joxe Arregiren atxiloketatik heriotzara biderako aldia eta [...]

Page 4 of 55

Zabaldu: