Amatasunari eta feminismoari buruzko testigantzak

Posted on 2022-05-06 by KulturSharea

M ama eme ume izeneko liburua gaur aurkeztu dute Donostian, Elkar argitaletxearen eskutik.

Amatasunari eta feminismoari buruzko testigantzak bildu dituzte Erika Lagomak (Lesaka, 1981) eta Estitxu Fernandezek (Lesaka, 1975) M ama* eme* ume*  izeneko liburuan. Tene Mujika bekaren laguntzarekin ondu dute lana eta gaur goizean aurkeztu dute Donostian.

Egileak eskuz esku aritu dira amatasun disidente eta feministak erakutsi nahi dituen narrazio-sorta bat ontzeko. Amaren irudi patriarkal estereotipatuaz gaindi, eta “superwoman”-en amatasun neoliberaletik urruti, egungo sistema zalantzan jarri nahi duten ama izateko modu desberdinak mahaigaineratu dituzte: “askotarikoak, errebeldeak, kontraesanei uko egiten ez dietenak. Hamaika bizipen, hamaika praktika, hamaika esperientzia”, diote. Horien ondoan, beren aitatasuna feminismotik bizi nahi duten bi gizonezkoren kasuak ere jaso dituzte.

Lagomak eta Fernandezek amei ahotsa eman nahi izan diote liburu honekin, “azkenean sistemak eskaintzen dizkigulako ama izateko eredu oso zurrunak, inongo malgutasunik gabeak, eta iruditzen zaigu orain dela momentua amei galdetzeko, beraien bizipenak entzuteko, beraien testigantza horiek jasotzeko. Hortik abiatuta uste dugu arrakalatu daitezkeela eredu estu edo hertsi horiek”. Horretarako kotxean sartu eta hamahiru hiri eta herri zapaldu dituzte egileek, bertan amekin egon eta entzun dituzte.

Emaitza, esan bezala, hamahiru lekukotasun biltzen dituen lana da: hamaika ama, ez-ama eta bi aitaren testigantza bana: “bikotedunak eta bikotegabeak, heterosexualak eta homosexualak, amabakarrak, adoptatzaileak, ama ez izatea erabakitakoak… Askotarikoak dira esperientziak eta bizikizunak, ugariak iritziak eta desberdinak mundu-ikuskerak; guztiak ere aberasgarriak eta zer pentsatua ematen dutenak”, azaldu dute egileek.

Adierazi dutenez, “ama anitzek ikusiko dute beren burua islatuta haren edo honen kontakizunean, eta era berean sentituko dute beren ikuspegia edo eskarmentua falta dela, nork bere modura bizi izan duelako amatasuna. Horientzat denentzat, bai ama izan ez diren emakumeentzat, beren erabakiz edo ezinez, nahiz gaiarekin sentsibilizaturik sentitzen diren gizonezkoentzat da liburu hau, inertziak apurtuz, geure buruarekin adiskidetzeko eta denon artean mundu justuago eta bizigarriago bat eraikitzeko gonbita”.

You may also like

Nola ospatzen da zure herrian San Joan bezpera?
Posted on 2019-06-21 by KulturSharea
Bideoa: ahotsak.eus Nola ospatzen da zure herrian San Joan bezpera? [...]
Kau Kori Kura-ren ‘German Garmendia’ abestia entzungai
Posted on 2019-06-18 by KulturSharea
Mikel Aizpuruak sortutako proiektua da Kau Kori Kura. 2015ean hasi zen [...]
Aizkorak Zorroztu & The Mia Wallace band-ek ‘Like Artifizialak’ kantua aurkeztu du
Posted on 2019-06-18 by KulturSharea
Aizkorak Zorroztu & The Mia Wallace band-ek udaren ostean [...]
‘Ilun eta eder’ Kantua aurkeztu du Abereh bakarlariak
Posted on 2019-06-17 by KulturSharea
Ilun eta eder izeneko abestia aurkeztu du Abereh bakarlariak Laino eta [...]
‘Errua norena da?’ diskoa kaleratu du Eztanda taldeak
Posted on 2019-06-17 by KulturSharea
Eztanda, 2015eko udaran Tolosaldeako lau gaztek osatutako talde bat [...]
Zazkel taldeak ‘Estatu Kolpea’ abestiaren bideoklipa argitaratu du
Posted on 2019-06-14 by KulturSharea
Zeberioko Zazkel taldeak Estatu Kolpea izeneko bideoklipa argitaratu [...]
Pello Reparaz bueltan da ‘Zetak’ proiektuarekin
Posted on 2019-06-11 by KulturSharea
Errepidean izeneko singlea zabaldu du sare sozialen bidez Pello [...]
Kaldearte, Kaleko Arteen Nazioarteko Erakustaldia, asteburu honetan Gasteizen
Posted on 2019-06-06 by KulturSharea
Bihar, ekainak 7, hasiko da Kaldearteren XIV. edizioa, Gasteizko [...]
‘Miss Karaoke’ antzezlana osorik ikusgai sarean
Posted on 2019-06-06 by KulturSharea
Metrokoadroka eta Pez Limbo konpainiek elkarlanean sortutako Miss [...]
Nafarroa Oinez: ‘Izan Argi’ kantua
Posted on 2019-06-03 by KulturSharea
Urriaren 20an izango da aurtengo Nafarroa Oinez jaia Tuteran, Izan [...]

Page 44 of 55

Zabaldu: