Arantxa Urretabizkaia idazleak ‘Azken etxea’ eleberria aurkeztu du

Posted on 2022-04-21 by KulturSharea

Zahartzaroaren estereotipoekin apurtzen duten pertsonak dira liburuko pertsonaiak, egilearen esanetan, ez dira pertsona tradizionalak, “ez dute bizimodu tradizional bat izan eta protagonistak azken etxe horren bila egingo dituen edo emango dituen pausoak ere ez dira tradizionalak izango”.

Pertsona nagusiak dira Arantxa Urretabizkaiak Azken etxea (Pamiela) izeneko nobela berrirako aukeratu dituen protagonistak, nahiz eta liburua ez den zahartzaroaren gainekoa.

Dagoeneko bost urte igaro dira idazleak Bidean ikasia, bere azken eleberria, kaleratu zuenetik eta denbora horretan luzaroan ibili da zeri ekin ez zekiela, “halako batean, egunerokotasunak eman zidan arrastoa, askotan gertatzen zait hori”, kontatu du. Izan ere, egunerokotasunak pisu handia du Urretabizkaiarentzat, bai bere bizitzan eta baita lanean ere. “Lagun bati galdetu nion elkarren lagun bati buruz eta esan zidan azken etxearen bila ari zela. Horrekin txinparta bat piztu zitzaidan, txinparta horrek su txiki bat, eta hari horri tiraka, bizitzaren azken atalean dagoen hainbat pertsonairen bizitza kontatzen ahalegindu naiz”.

Liburuko protagonistak Hendaia aldeko etxe bat begiz jo du, eta harekin tematu da. Bilaketa horretan iraganeko mamuak, adiskideak eta hautuak orainaldikoekin korapilatuko dira, elkar zelatatuko duten auzokideen giroan.

Zahartzaroaren estereotipoekin apurtzen duten pertsonak dira liburuko pertsonaiak. Egileak nabarmendu duenez, “ez dira pertsona tradizionalak, ez dute bizimodu tradizional bat izan eta protagonistak azken etxe horren bila egingo dituen edo emango dituen pausoak ere ez dira tradizionalak izango”.

Urretabizkaiak argi utzi du fikzioa erabili duela liburua ontzeko, “ez dago autobiografiarik, eta ez dago hausnarketarik, zuzenean behintzat”.

You may also like

Nola ospatzen da zure herrian San Joan bezpera?
Posted on 2019-06-21 by KulturSharea
Bideoa: ahotsak.eus Nola ospatzen da zure herrian San Joan bezpera? [...]
Kau Kori Kura-ren ‘German Garmendia’ abestia entzungai
Posted on 2019-06-18 by KulturSharea
Mikel Aizpuruak sortutako proiektua da Kau Kori Kura. 2015ean hasi zen [...]
Aizkorak Zorroztu & The Mia Wallace band-ek ‘Like Artifizialak’ kantua aurkeztu du
Posted on 2019-06-18 by KulturSharea
Aizkorak Zorroztu & The Mia Wallace band-ek udaren ostean [...]
‘Ilun eta eder’ Kantua aurkeztu du Abereh bakarlariak
Posted on 2019-06-17 by KulturSharea
Ilun eta eder izeneko abestia aurkeztu du Abereh bakarlariak Laino eta [...]
‘Errua norena da?’ diskoa kaleratu du Eztanda taldeak
Posted on 2019-06-17 by KulturSharea
Eztanda, 2015eko udaran Tolosaldeako lau gaztek osatutako talde bat [...]
Zazkel taldeak ‘Estatu Kolpea’ abestiaren bideoklipa argitaratu du
Posted on 2019-06-14 by KulturSharea
Zeberioko Zazkel taldeak Estatu Kolpea izeneko bideoklipa argitaratu [...]
Pello Reparaz bueltan da ‘Zetak’ proiektuarekin
Posted on 2019-06-11 by KulturSharea
Errepidean izeneko singlea zabaldu du sare sozialen bidez Pello [...]
Kaldearte, Kaleko Arteen Nazioarteko Erakustaldia, asteburu honetan Gasteizen
Posted on 2019-06-06 by KulturSharea
Bihar, ekainak 7, hasiko da Kaldearteren XIV. edizioa, Gasteizko [...]
‘Miss Karaoke’ antzezlana osorik ikusgai sarean
Posted on 2019-06-06 by KulturSharea
Metrokoadroka eta Pez Limbo konpainiek elkarlanean sortutako Miss [...]
Nafarroa Oinez: ‘Izan Argi’ kantua
Posted on 2019-06-03 by KulturSharea
Urriaren 20an izango da aurtengo Nafarroa Oinez jaia Tuteran, Izan [...]

Page 44 of 55

Zabaldu: