‘Artea oinez’ erakusketa artistikoa Iruñeko Kondestablen ikusgai

Posted on 2021-04-13 by KulturSharea

Jose Luis Zumeta, Dora Salazar edo Nestor Basterretxearen obrak ikus daitezke, besteak beste.

Nafarroa Oinez jaiaren edizio berriari begira, Lizarra Ikastolak Artea oinez izeneko erakusketa artistiko berria antolatu du, eta Iruñeko Kondestable Jauregian dago egun hauetan ikusgai. Erakusketa honek 100 artelan eta artxibo-material baino gehiago biltzen ditu. Obrek XX. mendearen amaieratik gaur egunera arte sortutako arte-adierazpenen aniztasunaren berri ematen dute.

Antolatzaileek azaldu dutenez, edizio honetako ardatz nagusiak egunerokoa eta bere garrantzia da, hausnarketa eta pentsamendu kritikoa eragiten dutenak. “Errepertorio garaikidea 80 artista baino gehiagoren proposamen bikainen protagonista da, honako diziplina hauetan: eskultura, margoa, marrazkia, instalazioa, grabatua, bideoa, argazkia, inprimatze-digitala eta teknika mistoak”.

Lan gehienak korronte abstraktuan koka daitezke, baina haien artean badira ere figuratiboa, espresionista, hiperrealista, sinbolista, informalista, eta abar. Hauekin batera, azken joerak eta etorkizun oparoko gazteen proposamenak ere badaudela nabarmendu dute.

Artisten artean 36 nafarrak dira. Aurtengo ediziorako hamaika sinadura berri gehitu dira, horietatik zazpi emakume artistenak. Hala, erakukusketa honetan Jose Luis Zumeta, Dora Salazar edo Nestor Basterretxearen obrak ikus daitezke, besteak beste.

“Artistek euren obrekin transmititu nahi izan digutenaz soseguz gozatzeko” gonbita egin dio publikoari Josu Sueskun Lizarrako Ikastolako zuzendariak, eta “pribilegiotzat” jotzen du sorkuntza horietara hurbiltzeko aukera, “gure zentzumenak suspertzen, hezkuntza garatzen eta irudimena elikatzen dutelako”, adierazi du.

Bestalde, erakusketaren bidez, edizio bakoitzean artista bat omentzen da. Aurten, Lorea Alfaro aukeratu dute, artista eta EHU-ko irakaslea eta Lizarra Ikastolako ikasle ohia, Artea Oinez-en historian omendu diren sortzaile guztien artean gazteena da.

Artea oinez apirilaren 28ra arte bisitatu ahal izango da Iruñeko Kondestable jauregian,  Astelehenetik igandera 9:00etatik 14:00etara eta 17:00etatik  21:00etara.

Maiatzetik aurrera, berriz, Lizarrako Gustavo de Maeztu Museoan ere ikusgai izango da erakusketa.

You may also like

‘Artea oinez’ erakusketa Iruñeko Kondestable jauregian ikusgai
Posted on 2022-04-11 by KulturSharea
Lan gehienak korronte abstraktuan kokatzen dira, baina figuratiboa, [...]
‘Emma Kunzen unibertsoa’ erakusketa ekainaren 19ra arte, Tabakaleran
Posted on 2022-02-09 by KulturSharea
Emma Kunzen unibertsoa erakusketa ekainaren 19ra arte bisitatu ahal [...]
‘Irudi sekuentziatuak. Argentinar emakume argazkilariak 1930-1990’
Posted on 2021-07-15 by KulturSharea
Erakusketa bost gune tematikotan dago antolatuta, Donostiako [...]
LKN kale artistaren lanak ikusgai jarri dituzte Iruñeko Kondestable jauregian
Posted on 2021-04-22 by KulturSharea
Erakusketak apirilaren 30era arte izango ditu ateak zabalik, Iruñeko [...]
‘Liburu Libreak’ erakusketa kolektiboa ikusgai Iruñeko Ziudadelan
Posted on 2021-03-17 by KulturSharea
Maiatzaren 12ra arte egongo da bisitatzeko aukera Mistoen Pabiloian. [...]
‘Beldurrak, irrintziak, maskarak eta ogi beltza’ erakusketa
Posted on 2021-03-15 by KulturSharea
Endika Basaguren artistaren proiektu hau instalazio bakarra osatzen [...]
Paul Caballero ilustratzaile bilbotarraren erakusketa Donostian ikusgai
Posted on 2021-03-04 by KulturSharea
Erakusketa datorren maiatzaren 9ra arte bisitatu ahal izango da [...]
Aran Santamariaren ‘Hostoz hosto erantzi!’ erakusketa Donostian ikusgai
Posted on 2021-02-04 by KulturSharea
Otsailaren 27ra arte bisitatu ahal izango da erakusketa Okendo Kultur [...]

Page 1 of 2

Zabaldu: