Asier Gorostidik eta Igor Sarraldek ‘Euskal Herriko animaliak. Ornogabeak’ liburua aurkeztu dute

Posted on 2022-01-18 by KulturSharea

Euskal Herriko animaliak. Ornodunak liburuaren jarraipena da oraingoan argitaratu dutena. Ilustratzaileek animaliei buruzko gida-liburuen ohiko formatutik aldendu eta haurrentzat, zein helduentzat erakargarria izango den liburua sortu dute.

Asier Gorostidi eta Igor Sarralde ilustratzaileek Euskal Herriko animaliak. Ornogabeak (Erein) liburu ilustratua kaleratu dute. Hainbat proiektutan elkarrekin lan egin duten arren, iaz argitaratutako Euskal Herriko animaliak. Ornodunak  izenekoa izan zen elkarrekin egindako aurreneko liburua. Sarraldek eta Gorostidik Arte Ederren fakultatean ezagutu zuten elkar eta txikitatik dituzte animaliak eta ilustrazioa gustuko. Sarralderen hitzetan hutsune bat betetzeko asmoz sortu zuten bilduma. Izan ere, animaliei buruzko gida-liburu txiki asko dira liburutegietako apaletan, baina formatu horretatik aldendu eta haurrentzat, zein helduentzat erakargarria izango zen liburua sortzea nahiago izan zuten. Lehen argitalpen horretan, Euskal Herriko baso eta uretan bizi diren animalia mordoa bildu zituzten, jendearentzat ezagunagoak diren txantxangorria edo sugandilak ziren horietako batzuk, baina baita dortokak, oreinak eta artzak ere. Orotara, gure lurraldeko 50 espezie enblematikoenen ezaugarri eta berezitasun guztiak jaso zituen lanak.

Oraingoan, iaz abiatutako bidetik jarraitu eta bigarren alea kaleratu dute egileek, baina, kasu honetan ornogabeak dira liburu honetako protagonistak. Guztira 70 animalia bildu dituzte. “Saiatu gara animalia hauenganako daukagun ezagutza handitzea eta bata bestetik bereizten ikastea edo bakoitzaren ezaugarri bereziak ikusaraztea, izan ere, horrek jakin-mina pizten du eta ikusten ditugunean ilusio handiagoa egiten digu”, adierazi dute.

Animaliak antolatzerako orduan, kopurua izan dute kontuak egileek: “lehen atalean intsektuak sartu ditugu, gero araknidoak eta hirugarrenean gainerako guztiak”. Hala ere, aurreko liburuaren antzeko egitura mantentzen saiatu direla nabarmendu dute, eta oraingoan ere, aurrekoan bezala hiru kapituluz osatu dute liburua: “atal bakoitzaren aurretik sarreratxo bat sartu dugu eta kapituluen bukaeran Hobeto ezagutu izeneko orrialde bikoitza, bertan talde horren bitxikeriak sartu ditugu”.

You may also like

‘Hozkailua’ antzerki obra osorik ikusgai
Posted on 2019-07-18 by KulturSharea
Maite eta Karlos herririk herri dabiltza hozkailu zahar batekin. [...]
Liher taldearen ‘Arrain Hilak’ abestiaren bideoklipa
Posted on 2019-07-17 by KulturSharea
Liher taldearen 'Tenpluak Erre' bigarren lan luzeko 'Arrain Hilak' [...]
Esne Beltzaren ‘Paretaren kontra’ abestiaren bideoklipa
Posted on 2019-07-17 by KulturSharea
Udaleku elkarteak Bidarraiko egonaldietan grabatutako bideoklipa. Esne [...]
‘Zazpi senideko’ anaitasunaren inguruko istorioak biltzen dituen antzerki obra osorik ikusgai
Posted on 2019-07-04 by KulturSharea
SINOPSIA: Anaitasunarena, txikitatik eraikitako labirintoa da, [...]
‘Sua’ kantuaren bideoklipa aurkeztu du Laize rap abeslariak
Posted on 2019-07-04 by KulturSharea
Laizek aurten aurkeztu duen bigarren abestia da Sua. Jai eremuetan [...]
Kaleko Urdangak taldearen ‘Agur eta Ohore’ kantuaren bideoklipa
Posted on 2019-07-03 by KulturSharea
Agur eta Ohore da Bergarako taldeak abuztuan argitaratuko duen Vis [...]
‘Loratu’ da Habi taldearen lehen diskoa
Posted on 2019-06-28 by KulturSharea
Villabonako Yeray Gasconek (ahotsa eta gitarra) eta Jon Ander Artolak [...]
‘Flasball’ izeneko kantua sortu du Zuberoako Xiberoots taldeak
Posted on 2019-06-26 by KulturSharea
Zuberoako Xiberoots reggae taldeak Flasball izeneko kantua sortu du G7 [...]
Estitxu Pinatxok ‘Basquiat’ kantua aurkeztu du
Posted on 2019-06-25 by KulturSharea
Estitxu Pinatxok berak sortu du Basquiat izeneko abestia. Moldaketak [...]

Page 43 of 55

Zabaldu: