ATOPIArpg euskarazko rol-jokoak irabazi du Sormen Beka, sortzaileek proiektua zertan datzan kontatu digute

Posted 2 urte ago by KulturSharea

Euskaraz sortutako rol-joko batek irabazi du Durangoko Azokako lehenengo Sormen Beka. Etzi Portu Maritimoa taldeak aurkeztu du proiektua, eta urtebete izango dute euskaraz sortu eta argitaratutako lehenengo rol-jokoa sortzeko. Proiektu horren izena ATOPIArpg da, eta 2019. urteko Azokan aurkeztu beharko dute. Bekaren zenbatekoa 15.000 eurokoa izango da.

Sormen Bekaren helburua sortzaile berriengan arreta jartzea izan da: “Herri honetako sortzaile berriek asko dute guri emateko. Guztioei ahotsa eta plaza eskaintzea izan da Durangoko Azokaren helburua eta horretan dihardugu gaur egun ere”, azaldu du Gerediaga Elkarteko presidente Nerea Mujikak. Durangoko Azokako Sormen Bekak euskarazko kultur produktu baten sorkuntza hasieratik amaierara garatzen lagunduko du.

Sormen Bekako epaimahakideen izan dira: Itxaro Borda, Garbiñe Ubeda, Patxi Zubizarreta, Esti Albizu eta Xabier Bóveda. Bordak azaldu duenez, 28 lan aurkeztu dira deialdira: “Denak, batak besteak bezain interesgarriak”. Azken hautaketarako hiru proiektu aukeratu zituzten: irabazi duen taldea, Gerrak eta Hiru Puntu. Epaimahakideen arabera, “hiruretan kultur modalitate ezberdinak uztartzen ziren”.

Azkenean, ATOPIArpg egitasmoa aukeratzea izan da epai-mahaiaren erabakia: “Rol joko bat euskaraz, literatura fantastikoaren eta jolas kolektiboaren gurutze-bidean, sortzaile talde dinamiko batek ekartzen duena. Irudimena eta irudiak lantzen dituzte, Euskal Herriko gaurkotasunean errotzen da, eta umorea ere sartzen du narrazio eta komentarioetan”.

Epaimahaiak gogoratu duenez, gainera, Azokan rol-joko horretara jokatzeko aukera egongo da: “Hitz eman digute 2019ko Azokan partidu bat abiaraziko dutela, guztien gozamenerako”.

ATOPIArpg, euskaraz sortutako lehenengo rol-jokoa

Etzi Portu Maritimoa taldeak aurkeztutako ATOPIArpg izan da, beraz, sormen bekaren irabazlea. Talde horretako kide dira Xabier Landabidea Urresti, Galder Gonzalez Larrañaga, Beñat Irasuegi Ibarra, Ohiana Calparsoro Forcada, Yerai Gascón Sánchez, Unai Gorrotxategi Sabino, Gorka Salces Alcalde eta Eneko Olazabal Arruabarrena.

 

You may also like

Posted 2 aste ago by KulturSharea
Kalabazak hustu, kandelak piztu… Gau Beltza urriaren 31ren bueltan [...]
Posted 2 aste ago by KulturSharea
Ondarroan bertan grabatu dute Geruzak kantaren bideoklipa, Eneritz [...]
Posted 4 aste ago by KulturSharea
Gatom Bermeoko rap abeslariak Non Gauz izeneko kantu berria aurkeztu [...]
Posted hilabete 1 ago by KulturSharea
Behi Bideko Andere Xuriak (BBAX) taldeak t'mAmAztAng"t disko berriko [...]
Posted hilabete 1 ago by KulturSharea
Alberdik inoiz idatzi duen libururik umoretsuena dela aitortu du, [...]
Posted 3 hilabete ago by KulturSharea
Nafarroako Gobernuak ostiralean, hilak 17, jakitera emango du nork [...]
Posted 3 hilabete ago by KulturSharea
Villabonako Yeray Gasconek (ahotsa eta gitarra) eta Jon Ander Artolak [...]
12329
Page 1 of 29
Zabaldu: