Beatriz Fernandezek ‘Ariadnaren haria. Sexua eta generoa hizkuntzaren labirintoan’ saiakerari buruz

Posted on 2025-02-28 by KulturSharea

Susa argitaletxeko Lisipe bilduman ikusi du argia lanak. Lanak lihozko hiru hari gorri ditu eta kapitulu bana ardazten dute. “Lehenak genero (gramatikalaren) gatazkaren bideetatik eramango gaitu”; emakumeen eta gizonen elkarrizketetako asimetriak esploratuko ditugu bigarrenari esker, eta hirugarren eta azken haria eskura dugula, irainez eta madarikazioez, alegia, tabu hitzez eta tabuak saihesteko estrategiez gogoeta egingo dugu”.

Beatriz Fernandez idazleak Ariadnaren haria. Sexua eta generoa hizkuntzaren labirintoan saiakera plazaratu du Susa Argitaletxearen eskutik. Lispipe bildumaren hamaseigarren alea da egile algortarrak dakarrena eta euskararen tipologia eta erabilera soziala, sexuaren edota generoaren ikuspegitik aztertu du.

Fernandezen esanetan, “hizkuntza labirinto bat da, nahas-mahasa, eta bide bati ekiten zaion bakoitzean, ez dago jakiterik irteerara eramango ote gaituen. Labirinto horretara garamatzaten galderak sexuari eta generoari buruzkoak direnean, gainera, arriskutsu bihurtzen da. Horregatik behar da Ariadnaren haria bertatik onik ateratzeko”.

Lanak lihozko hiru hari gorri ditu eta kapitulu bana ardazten dute. “Lehenak genero (gramatikalaren) gatazkaren bideetatik eramango gaitu”; emakumeen eta gizonen elkarrizketetako asimetriak esploratuko ditugu bigarrenari esker, eta hirugarren eta azken haria eskura dugula, irainez eta madarikazioez, alegia, tabu hitzez eta tabuak saihesteko estrategiez gogoeta egingo dugu”, azaldu du hizkuntzalari bizkaitarrak.

Irakurleak “labirintoan zehar dabilela, bidaide izango ditu zenbait emakume ahaztezin, hala nola, Utergako Joana, Klementzia Richard, Tramana eta Brix eta Frantziako anderea”.

You may also like

Haizea Alonso rap abeslariak ‘Hitzak’ kantua eta bideoklipa plazaratu ditu
Posted on 2020-04-27 by KulturSharea
Haizea Alonso arabarrak  Nire Bala izeneko kantua aurkeztu zuen [...]
Joseba Sarrionandiaren ‘Ez diren gauzak’ olerkia irakurri dute
Posted on 2020-04-23 by KulturSharea
2020ko Liburuaren Nazioarteko Egunerako Joseba Sarrionaindiaren [...]
‘Bat’, Iraia Elias eta Amancay Gaztañaga
Posted on 2020-04-20 by KulturSharea
Iraia Elias eta Amancay Gaztañaga aktoreek sortutako ikus-entzunezko [...]
Zetak – ‘Zeinen ederra izango den’
Posted on 2020-04-20 by KulturSharea
Zetak taldeak berrogeialdian sortu du Zeinen ederra izango den izeneko [...]
Maider Zabalegik ‘Etenean keinu bat’ kanta sortu du
Posted on 2020-04-16 by KulturSharea
Maider Zabalegik itxialdian ondutako kanta berria aurkeztu du. Santi [...]

Page 35 of 59

Zabaldu: