‘Beldurrak, irrintziak, maskarak eta ogi beltza’ erakusketa

Posted on 2021-03-15 by KulturSharea

Endika Basaguren artistaren proiektu hau instalazio bakarra osatzen duten piezez osatuta dago.

Endika Basaguren artistak gogoeta artistiko bat proposatzen du, martxoaren 21era arte, Iruñeko Ziudadelako Labean, pandemiaren ondorioak direla medio, gizartea bizitzen ari den garaiaren inguruan. Beldurrak, irrintziak, maskarak eta ogi beltza erakusketa garai hori ulertzeko eta denon beldurrak bideratzeko beharretik sortzen da, azken urteotako garai latzekin uztatuz, hala nola 1936ko Gerra zibilak utzitako egoera sozialarekin.

Erakusketak azaltzen duen ideiaren abiapuntua Gerra zibilaren ostean dago. Egileak gogoratu nahi izan du nola garai horretan bere aitona-amonen belaunaldiak gosea, gabezia eta beldurrak pasatu zituen, eta herritar askok txanponak edo urrezko bitxiak ogi beltz zati batengatik aldatzera behartuak izan ziren. Gizon eta emakume horiek beren beldurrei aurre egin behar izan zieten modua, haurtzarotik heldutako pasarte horiek, duela hilabete gutxi batzura arte “heroikoak eta ulergaitzak” iruditzen zitzaizkionak, egungo egoeran, Basagureni “gertukoagoak” egiten zaizkio eta “tunelaren bukaeran argia ikusten dela” gogorarazi nahi izan du. Hori da, hain zuzen ere, Beldurrak, irrintziak, maskarak eta ogi beltza erakusketaren bidez helarazi nahi duen sentimendua.

Proiektua instalazio bakarra osatzen duten piezez osatuta dago. Pintura, eskultura zein instalazio formatuan aurkeztutako hainbat bideo-performance erabiltzeak zati desberdinen arteko elkarrizketa sortzen du eta horrek obraren irakurketa orokorrean laguntzen du, ia formatu eszenografikoan, non ikuslea murgiltzen baita. Elementu multzo horren helburua da ikuslea obraren beraren barruan dagoela sentiaraziko duen ingurune bat sortzea. Horretarako, atmosferaren protagonismoari ematen dio lehentasuna Basagurenek, banakako piezarenaren gainetik.

You may also like

‘3×4=ORAIN’ Zinema, musika eta literatura argazki-liburuan proiektua
Posted on 2022-09-05 by KulturSharea
3×4=ORAIN. Zinema, musika eta literatura argazki-liburuan izeneko [...]
‘Imajinatu Zinemaldia’ erakusketak publikoari egingo dio gorazarre
Posted on 2022-07-13 by KulturSharea
Erakusketa Tabakaleran egongo da ikusgai eta herritarrak, edizioz [...]
Javier Perez artistaren ‘Presentziak Absentziak’ erakusketa ikusgai Donostian
Posted on 2022-07-07 by KulturSharea
Artista bilbotarraren sorkuntza-mundua ezagutzeko aukera ematen du [...]
‘Emma Kunzen unibertsoa’ erakusketa ekainaren 19ra arte, Tabakaleran
Posted on 2022-02-09 by KulturSharea
Emma Kunzen unibertsoa erakusketa ekainaren 19ra arte bisitatu ahal [...]

Page 1 of 3

Zabaldu: