‘Liburu Libreak’ erakusketa kolektiboa ikusgai Iruñeko Ziudadelan

Posted on 2021-03-17 by KulturSharea

Maiatzaren 12ra arte egongo da bisitatzeko aukera Mistoen Pabiloian.

Liburu Libreak erakusketa kolektiboa paratu dute Iruñeko Ziudadelako Mistoen Pabiloian. Kontxesi Vicentek komisariatu du erakusketa, eta gazteen literatura klasikoko eleberrietan oinarritutako hainbat artistaren lanak biltzen ditu.

Hauek dira erakusketan parte hartu duten artistak: Itziar Alforja, Fernanda Alvarez, Jose Miguel Ascunce, Puri Bermejo, Blas Campos, Alba Garcia, Raquel Ingles, La Chincheta Bruna, Josan Lopez de Pariza, Gonzalo Nicuesa, Eva Morant, Alicia Otaegui, Marijose Recalde, Juan Sukilbide, Hector Urra, Lourdes Urricelqui eta Kontxesi Vicente.

Artista hauek gazte-literatura klasikoan oinarrituta garatu dituzte piezak. Hala, obra bakoitzari so eginez zein eleberriri dagokion ikus daiteke. Azaldu dutenez, erakusketa “istorio horiek irakurtzeko edo berrirakurtzeko gonbidapena da, pertsonaiak, animaliak, lekuak, egoerak eta giro bereziak irudikatzera bultzatzen dutenak, eta baita literaturaren eta lan artistikoaren arteko elkarrizketa sortzera ere. Unitate bat eratzen duten bi modutara kontatutako istorio bera, dualtasun zaindua eta sendoa da”.

Artista bakoitzak Nuevo Auriga bildumako liburuki bat irakurtzean hasten den sortze-prozesua da. Katalogotik kanpo utzitako liburuak, garbiketa lanen ondoriozkoak, Burlatako Haur Liburutegiko liburuzainak erakusketa hau sustatzeko eskaini zizkion Kontxesi Vicenteri, sorkuntza artistiko baterako.

Liburu hauek eskultura, objektu-liburu, pop-up Books, argazki… bihurtuz, eleberri hauen balioa nabarmendu nahi izan dute proiektu honekin. Hala, esperimentazio artistikoaren bidez liburu bakoitzari aukera berri bat eman diote.

You may also like

‘3×4=ORAIN’ Zinema, musika eta literatura argazki-liburuan proiektua
Posted on 2022-09-05 by KulturSharea
3×4=ORAIN. Zinema, musika eta literatura argazki-liburuan izeneko [...]
‘Imajinatu Zinemaldia’ erakusketak publikoari egingo dio gorazarre
Posted on 2022-07-13 by KulturSharea
Erakusketa Tabakaleran egongo da ikusgai eta herritarrak, edizioz [...]
Javier Perez artistaren ‘Presentziak Absentziak’ erakusketa ikusgai Donostian
Posted on 2022-07-07 by KulturSharea
Artista bilbotarraren sorkuntza-mundua ezagutzeko aukera ematen du [...]
‘Emma Kunzen unibertsoa’ erakusketa ekainaren 19ra arte, Tabakaleran
Posted on 2022-02-09 by KulturSharea
Emma Kunzen unibertsoa erakusketa ekainaren 19ra arte bisitatu ahal [...]

Page 1 of 3

Zabaldu: