‘Bilbo’ izeneko gida liburua aurkeztu dute euskara ikasleentzako

Posted 9 hilabete ago by KulturSharea

Lutxo Egia idazleak idatzi eta Asisko Urmeneta eta Dom Campistronek ilustratu dute gida. Euskal Herriko beste sei hiriburuetako gidekin batera kaleratu da Arian irakurgai mailakatuen bilduman. Elkar argitaletxeak Bilboko Udalaren Euskara Zerbitzuarekin lankidetzan argitaratu du.

Bilbon barrena bisita gidatua egiteko proposamena da hau. Orain kale bat, gero zubi bat, hurrena historia puska bat… hiriko eskulturen inbentarioa eginez abiatuko du gidariak ibilbidea Bilboko baldosetan barrena, hiri zahar, bizi eta erakargarria eraikiz, bilbotarren bizipenen bitartez. Bilduma berean daude Baiona, Donostia, Donibane Garazi, Gasteiz, Iruñea eta Maule-Lextarreko gidak.

Ilustrazioak Asisko Urmenetarenak dira. Ibilbidea, liburuaren hasieran mapa batean kokatu du, eta atal bakoitza, ilustrazio batekin apaindu du. Urmenetaren ilustrazioak Dom Campistronek koloreztatu ditu. Bi artisten arteko elkarlanaren emaitza berezia eta ikusgarria da.

Bilbo gida, Arian Irakurgai Mailakatuak bilduman argitaratu da. Bilduma horretan ipuin, nobela eta testu periodistikoak biltzen dira, Al, A2, 12.1 eta B2 mailetara egokituta. Liburu guztiek dute audio-liburua testu idatziarekin batera, ulermena lantzeko ariketak eta hiztegi laburra. Bilboko gidarekin batera argitaratu dira Baiona, Donostia, Donibane Garazi, Gasteiz, Iruflea eta Maule-Lextarreko gidak ere, guztiak B1 mailan. Bilboko Udaleko Euskara Zerbitzuak babestu du argitalpena.

You may also like

Posted urte 1 ago by KulturSharea
Ilun eta eder izeneko abestia aurkeztu du Abereh bakarlariak Laino eta [...]
Posted urte 1 ago by KulturSharea
Eztanda, 2015eko udaran Tolosaldeako lau gaztek osatutako talde bat [...]
Posted urte 1 ago by KulturSharea
Zeberioko Zazkel taldeak Estatu Kolpea izeneko bideoklipa argitaratu [...]
Posted urte 1 ago by KulturSharea
Errepidean izeneko singlea zabaldu du sare sozialen bidez Pello [...]
Posted urte 1 ago by KulturSharea
Bihar, ekainak 7, hasiko da Kaldearteren XIV. edizioa, Gasteizko [...]
Posted urte 1 ago by KulturSharea
Metrokoadroka eta Pez Limbo konpainiek elkarlanean sortutako Miss [...]
Posted urte 1 ago by KulturSharea
Urriaren 20an izango da aurtengo Nafarroa Oinez jaia Tuteran, Izan [...]
Posted urte 1 ago by KulturSharea
Koldo Martinez de Lukok eta Adrian Royok sortu dute Gertu izeneko [...]
Posted urte 1 ago by KulturSharea
Bideoa eta informazioa: ahotsak.eus Gaurko egunez jaio zen Elbira [...]
Page 17 of 28
Zabaldu: