Prostituzioaren lege berriak nola eragingo duen Bilboko San Frantzisko auzoan da eleberriaren gai nagusia.
Lyrica garaia (Erein) du izena Basauriko idazleak gaur Donostian aurkeztu duen Toure detektibearen azken liburuak. Sagaren bederatzigarren alea da honakoa. Musikarekin baina, zerikusi gutxi du istorio berriak. Izan ere, egilea azkenaldian zabaldu den droga berriaz ari da lyrika aipatzean. Idazleak adierazi duenez, hitz joko bat egin nahi izan du. Aurten San Frantziskon deskubritu duen droga berria da lyrika, eta azaldu duenez, farmazietan saltzen duten lasaigarri bat da, yonkiak lasaitzeko banatzen den pilula. Lirika garaia musikaz gozatzeko garaia bada, protagonistena ez da hain ona, errealitatetik ihes egiteko garaia baizik.
Eleberria Madrilen abiatzen bada ere, Bilboko Afrika txikian izango da Toure oraingo honetan, nahiz eta Bordelen ere kontuak gertatuko diren. Abentura berri honetan, auzoa aldatu dela ikusiko du protagonistak, kamera eta polizia gehiago ari dira bertako kaleetatik. Sa Kene amoranteagatik kezkatuta ere badago, Madrilen bisita egin zionean gorputzean markak eta beltzuneak igarri baitzizkion. Detektibea bere amorante lagunari zer gertatzen ari zaion argitzen saiatuko da, bidean oztopoak aurkituko baditu ere, eta min ematen duten egiak.
Prostituziorako lege berria dela, gentrifikazio-prozesua dela, hiri osoko aldaketa sakonak direla…, auzoa, nola edo hala, aurre egiten ari zaio etorkizun hurbileko errealitate zalantzagarriari.
Idazlea Askabide elkarteak gauez prostitutak laguntzeko egiten dituen paseoetan izan da eta lege berriaren harira dituzten kezkak ezagutu ahal izan ditu.
Baztertuen munduan girotutako liburuan, Arretxek auzoko giroari buruzko deskribapenak eta pertsonaien arteko elkarrizketa gogoangarriak tartekatu ditu, umoreari iskin egin gabe. Trama bizi eta zorrotzak irakurlea harrapatu eta ustekabeko amaiera batera eramango du.
You may also like
![Gijongo FICX zinema jaialdian estreinatuko du Iratxe Fresnedak ´Lurralde Hotzak´ dokumentala](https://sp-ao.shortpixel.ai/client/q_glossy,ret_img/https://kultursharea.eus/wp-content/uploads/2018/10/iratxe-fresneda2.jpg)
![](https://sp-ao.shortpixel.ai/client/q_glossy,ret_img/https://kultursharea.eus/wp-content/plugins/all-in-one-video-gallery/public/assets/images/play.png)
![Josu Goikoetxearen ´Zer luzea negu hau´ liburua kalean](https://sp-ao.shortpixel.ai/client/q_glossy,ret_img/https://kultursharea.eus/wp-content/uploads/2018/10/Josu-Goikoetxea-Zer-luzea-negu-hau-Aurrez-aurrekoa-1024x576.jpeg)
![](https://sp-ao.shortpixel.ai/client/q_glossy,ret_img/https://kultursharea.eus/wp-content/plugins/all-in-one-video-gallery/public/assets/images/play.png)
![Martin Etxeberria idazleak ´Winston´ poema liburua kaleratu du](https://sp-ao.shortpixel.ai/client/q_glossy,ret_img/https://kultursharea.eus/wp-content/uploads/2018/10/Martin-Etxeberria-Winston-Aurrez-aurrekoa-1024x576.jpeg)
![](https://sp-ao.shortpixel.ai/client/q_glossy,ret_img/https://kultursharea.eus/wp-content/plugins/all-in-one-video-gallery/public/assets/images/play.png)
![‘Inorren lurretan’ diskoa kaleratu du Eraso taldeak](https://sp-ao.shortpixel.ai/client/q_glossy,ret_img/https://kultursharea.eus/wp-content/uploads/2018/10/42556203_2017692884919775_3568198029959757824_o-1000x1024.jpg)
![](https://sp-ao.shortpixel.ai/client/q_glossy,ret_img/https://kultursharea.eus/wp-content/plugins/all-in-one-video-gallery/public/assets/images/play.png)
![Kantagintzaren gaineko gogoeta egin du Gotzon Barandiaranek argitaratu duen saiakeran](https://sp-ao.shortpixel.ai/client/q_glossy,ret_img/https://kultursharea.eus/wp-content/uploads/2018/10/DhITc8IX4AAPfok.jpg)
![](https://sp-ao.shortpixel.ai/client/q_glossy,ret_img/https://kultursharea.eus/wp-content/plugins/all-in-one-video-gallery/public/assets/images/play.png)