Denda baten kronika literarioa ondu du Uxue Alberdi idazleak

Posted on 2020-09-16 by KulturSharea

Alberdik inoiz idatzi duen libururik umoretsuena dela aitortu du, “karnabal bat da, disparate eder bat, festa bat. Ez dago espaziorik malenkoniarentzat”.

Denda baten kronika literarioa dakar Uxue Alberdi idazleak Dendaostekoak izeneko liburu berrian. Leire Lopez Susa argitaletxeko editoreak gaur, aurkezpenean adierazi duenez, “dendari birekin izandako elkarrizketetatik jasotako informazioa antolatzeko, idazlearen eskuak egin du lan, kazetariarenak baino gehiago”.

2019ko urrutik 2020ko martxora bitartean, asteazkenero bildu da idazlea bi dendariekin Elgoibarko Pitxintxu dendako dendaostean eta hitzordu bakoitzean, bizpahiru orduz aritu izan dira galde-erantzunean. “Liburua elkarrizketa luze bat bezala irakur daiteke, ordu askotako elkarrizketa askoren eta haien lanketaren eta muntaiaren emaitza” dela dio, “informazioaren bila egin dut lan, tonu desberdinen bila, paisaia, argiztatze, pertsonaia, testura eta erritmo desberdinen bila”, kontatu du idazleak.

Dendatik eta dendara luzatzen diren hariek herri baten paisaia estetikoari eta paisaia humanoari begiratzen diotela ere aipatu du Alberdik. Lopezek bere aldetik, Dendaostekoak elkarren segidan antolatutako atal laburrez osatutako liburua dela dio, “dendarekin eta dendariekin lotutako ikuspuntu batetik bestera jauzi egiten du”.

Liburua dauden brodatu motak azaltzen abiatzen da eta dendarietako batek, josten ari dela, ikusitako manifestazio batekin jarraitzen du. Hortik, beste narratzatzaileak bizitako manifestazio bat deskribatzera pasatzen da. Lopezen arabera, liburuak denda bera eta dendarien arlo pertsonala eta soziala uztartzen ditu. “Dendan brodatu eta josi egiten da, baina baita diskoak eta opariak saldu ere”.

Liburuan dendako bizipenak narratzaileen egunerokotasunarekin nahasten dira eta urte horietan gertatzen ari denarekin. “Denda kontatzen du liburuak baina baita garai bat ere”, dio editoreak. “Dendariek dirua biltzen dute lagunei abortatzen laguntzeko, lagun anarko musikazale eta liburuzaleak dituzte, emakumez osatutako mendi taldea antolatzen dute, denda kokatuta dagoen kalea parranda gune zeneko sasoiak gogoratzen dituzte, dendarien elkartearen sorreran parte hartzen dute”.

Baina bi dendarien ahotsekin batera, badira beste ahots batzuk ere: bezero bat, zapata-denda baten jabea… hari nagusiari beste ertz batzuetatik begiratzen diote hauek.

Egileak inoiz idatzi duen libururik umoretsuena dela aitortu du, “karnabal bat da, disparate eder bat, festa bat. Ez dago espaziorik malenkoniarentzat, mugimenduari eutsi behar zaio, jendeari kasu egin, kutxetatik atera behar dira salgaiak, baita memoria, zauriak eta asmoak ere”. Lopezen ustez, “umorea eta auto-ironia daude dendarien ahotsean eta ez dituzte zenbait kontu zikin isiltzen”.

You may also like

Haize-arrosa taldeak ‘Ez dogu zor ezer’ kanta eta bideoklipa kaleratu ditu
Posted on 2023-11-06 by KulturSharea
Abestiak gizarteak edertasunaren inguruan sortu dituen kanonak [...]
Arrakasta ardatz duen saiakera aurkeztu du Jasone Osoro idazleak
Posted on 2023-10-31 by KulturSharea
Gaian sakontzeko, hamaika lagun luze eta zabal elkarrizketatu ditu [...]
Modus Operandi taldeak Berri Txarraken ‘Oreka’ kantaren bertsio berria kaleratu du
Posted on 2023-10-30 by KulturSharea
Modus Operandi taldeak Durangoko Azokarako argitaratuko dituen [...]
Jon Artano Kazetariak ‘Juana’ liburua aurkeztu du Elkarren eskutik
Posted on 2023-10-26 by KulturSharea
Juana Perea Plataren familia, bizitza eta bere erailketa ikertu ditu [...]
Engelsen ‘Etxebizitzaren auzia’ liburua euskaratu du Ane Garciak Katakrak argitaletxearen eskutik
Posted on 2023-10-25 by KulturSharea
Kapitalismoan etxebizitza ulertzeko eta jabetza pribatuan [...]
Gorka Suaiak laster argitaratuko duen diskoaren bigarren aurrerapen karta kaleratu du
Posted on 2023-10-18 by KulturSharea
Ez dut abesteko beharrik du izena kantak eta Kostako Beatsek ekoitzi [...]
Gasteizko herri mugimenduko kolektiboen urtebetetzerako kantua sortu du Micek ‘Ehundu Gasteiz’ izenpean
Posted on 2023-10-16 by KulturSharea
Hala Bedi, Gasteizko Gaztetxea, Auzolana Pilotalekua, Errekaleor [...]
Goiatz Labandibar idazle oiartzuarrak ‘Bekatua’ eleberria plazaratu du
Posted on 2023-10-10 by KulturSharea
Garazi du protagonista bakarra eleberri honek, 36 urteko neska bat da, [...]
Ane Labaka idazle eta bertsolariak ‘Barraskiloek baino bat gehiago’ eleberria kaleratu du
Posted on 2023-10-06 by KulturSharea
Nobela honetako protagonista Sara da, hamar urteko neskato bat. Bere [...]
Ahoz kontatu eta belarriz jasotako testuak bildu ditu Uxue Alberdik ‘Belarriko Kilkerrak’ liburuan
Posted on 2023-10-05 by KulturSharea
Liburuan hiru zutabe nagusi dira: ahozkotasuna, transmisioa eta [...]

Page 4 of 55

Zabaldu: