‘Eguzki bat tatuatu’ kantua aurkeztu du Iker Martinezek

Lurralde berriak izeneko diskoa kaleratuko du Iker Martinezek (Oñati, 1977) irailaren 26an eta bildumako aurrerapen kantua aurkeztu du: Eguzki bat tatuatu. Bideoklipa osatzeko musikariaren haurtzaroko familia-irudiak erabili dituzte.

Martinez 90eko hamarkadan Latzen taldeko gitarra jotzailea izan zen eta gerora, Potemkin, Amonal eta Lebao taldeetan ere ibili da. 2017an Itzalen mundua izeneko bere lehen bakarkako diskoa plazaratu zuen. Honetan abesteaz gain, gitarra, armonika eta pedal steel gitarra jotzen ditu diskoak biltzen dituen sei kantuetan.