Eskafandra bildumak Simone de Beauvoirren ‘Bigarren sexua’ saiakera ekarri du euskarara

Posted on 2019-11-29 by KulturSharea

“Emakumea ez da jaiotzen. Egin egiten da”. Esaldi ezagun horrek laburbiltzen du Simone de Beauvoirren Bigarren sexua saiakera. 1949an argitaratua, aitzindaria izan zen emakumearen ustezko izatearen naturalizazioa eta zapalketa sistemikoa azaleratzen, ikerlari baten zehaztasun eta sakontasunez. Gaur egun Mendebaldeko pentsamenduaren giltzarrietako bat da, erabateko klasikoa.

Eskafandra bildumak euskarara ekarri du Irene Arrarats itzultzailearen lanari esker, eta Iratxe Fresnedak eta Nora Alberdik Bigarren sexua(z). Collage film laburra osatu dute. Egun mahai gainean ditugun auzietako askori heltzen baitie Simone de Beauvoirren saiakerak.

Ez zen feminista “Lehorte garaia zen. Sufragismoaren mugimendu historikoa bukatua zen ordurako, eta 70eko hamarkadako olatu feminista iritsi gabea”, gogorarazi du Arraratsek. Gainera, “garai hartan berak ez zuen inolako kontzientzia feministarik. Filosofoa eta existentzialista zelako heldu zion gaiari”. Abiapuntu horri jarraituz, beraz, jabetu zen emakumearen zapalketaz. “Existentzialista zenez, esentziarik ez zegoela pentsatzen zuen, eta gako hori emakumeari, ordura arte inork egin ez zuena egiten hasi zen: kulturaren mekanismo zapaltzaile batzuk deskubritzen”. Alegia, emakume izatea ez dela izaera bat ondorioztatu zuen Simone de Beauvoirrek, egoera bat baizik. “Gizaki emeei izanarazten zaien hori delako emakume izatea”. Eta hori hala izateko sistema oso bat zegoela azaleratu zuen. “Patriarkatuaren tripetan sartu zen nahi gabe”.

Modu oso metodiko eta analitikoan lan egin zuen pentsalariak. “Hori izan zen berrikuntza. Analisi hotz hori egin izana, zirujau baten bisturia atera eta zorrotz eta hotz aritu baitzen analisian”. Bere jakintza zabalari esker lortu zuen hori. “Existentzialismoa, antropologia, Hegelen ideiak… horiek guztiak gurutzatu zituen emakumearen egoerarekin”. Kritika zaparrada jaso zuen argitaratu bezain pronto, dio Arraratsek. Elizak liburu debekatuen zerrendan sartu zuen, eta, pentsalari kontserbadoreek ezezik, kamaradatzat ere izan zituenak jarri zitzaizkion kontra. “Esaterako, bere laguna zen Albert Camus idazlea haserretu egin zitzaion. Gizaseme frantsesa barregarri utzi zuela esan zion”. Eskertza zaparrada ere etorri zitzaion, dena den. Milaka emakumeren eskutitzak jaso zituen urte luzetan,”hain zoritxarreko sentiarazten zituen hori beraiei bakarrik gertatzen ez zitzaiela” konturatu zirelako eskerrak emanez.

Bi liburuki liburu bakarrean Saiakera bi ataletan banatu zuen Simone de Beauvoirrek; horregatik argitaratu du Eskafandrak bi liburukitan banatuta.

Lehenengo liburukiak emakumeari buruz esan eta irudikatu dena aletzen du, hainbat ikuspegitatik. Bigarren liburukiak, berriz, emakumeen bizimoduari erreparatzen dio, bere egoera eta baldintzei: amatasunari, ezkonduaren bizimoduari, prostituzioari, lesbianen egoerari, haurtzaroari… Guztia beste autoreek esandakoak lagun, besteak beste.

Filmari dagokionez, abenduaren 6an, Durangoko Azokan estreinatuko dute eta egileek hainbat elkarrizketa egin dituzte: Amaia Lasa, Jule Goikoetxea, Jenofa Berhokohrigoin… Horien hitzak uztartzeko gero pentsalari frantsesarenarekin.

You may also like

Lauroba & Alkiza herria – ‘Ez nintzen irten behar’
Posted on 2020-05-15 by KulturSharea
Bi urte igaro dira Lauroba taldea azkenekoz oholtzara igo zenetik. [...]
Sortzen jarraitzeko beharra: ‘Zuen ahotsa’
Posted on 2020-05-11 by KulturSharea
Anukek eta Norak (Haritz Harreguy teknikariaren eta Keu Agirretxea [...]
‘Hiru’, Iraia Elias eta Amancay Gaztañaga
Posted on 2020-05-11 by KulturSharea
Iraia Elias eta Amancay Gaztañaga aktoreek sortutako ikus-entzunezko [...]
Herri Urratsen kanta eta bideoklipa aurkeztu dute udazkenerako
Posted on 2020-05-11 by KulturSharea
Seaskak aurreratu duenez, udazkenean benetako Herri Urrats festa [...]
Ipuin musikatua: ‘Izei txikia’
Posted on 2020-05-11 by KulturSharea
Soinuaren Bidaia taldeko arduradun Alberto Urretxok Izei txikia [...]
Izarok Victoria Eugeniako teilatutik eskainitako kontzertua
Posted on 2020-05-09 by KulturSharea
Irudi ederrak utzi zizkigun atzo Izarok Donostiako Victoria Eugenia [...]
Esne Beltza ‘Agurrik ez’ kantuaren bertsio berri batekin dator
Posted on 2020-05-07 by KulturSharea
Esne Beltza taldea Agurrik ez kantuaren bertsio berri batekin dator. [...]
Eñaut Elorrietak ‘Harbide Zilar Bat’ kanta aurkeztu du
Posted on 2020-05-07 by KulturSharea
Hitzak Jose Luiz Otamendirenak dira eta Fernando Velazquez [...]
‘Zaldi emozionalak’ kantua aurkeztu du Petti musikariak
Posted on 2020-05-05 by KulturSharea
Sylvain Timsitek, Noam Chomskyren pentsamenduan oinarrituta, [...]
Suaia eta Ama Rebel taldeak lyric bideo bat argitaratu du
Posted on 2020-05-05 by KulturSharea
Raggamuffin Kamarada diskoko Kriston Town kantaren erremixa da [...]

Page 30 of 55

Zabaldu: