‘Ezpainetan odola’ kantuaren bideoklipa aurkeztu du Skakeitanek

Posted on 2019-10-11 by KulturSharea

Donostian sortutako taldeak Nola galdu denbora izenpean, laugarren diskoa kaleratuko du laster. Ezpainetan Odola lan horren aurrerapen kantua da.

Hiru urte diskorik argitaratu gabe egon ostean, Donostiako Skakeitan taldeak Ezpainetan odola laugarren laneko aurrerapen kanta aurkeztu du gaur. Usurbilen grabatu dute Haritz Harreguy teknikariarekin batera eta Bartzelonako Blind Records estudioko Santos Berrocal teknikariak nahastu du.

Abestia dekadentziaren babesgabetasuna aldarrikatzera dator auto maitasunari abestuz, dena erortzen ari den testuinguru batean. “Egituratzen gaituen oinarria aldatu gabe zoriontasunera iristeko ezintasuna azaldu nahi du gitarra fuzzero, bateria indartsu eta koltxoi sintetikoen bitartez”, adierazi dute Mauka musikagintzakoek. “Nostalgia sinfoniko puntu bat duen ereserki gordin bat” dela diote eta disko berria izango denaren arrastoa ematera dator.

Lan berriak urte amaieran ikusiko du argia Nola Galdu Denbora izenpean.

You may also like

Josu Bergara musikariak “Etxe honetan” gabon kantaren bideoa aurkeztu du
Posted on 2018-12-20 by KulturSharea
Josu Bergara abeslari bizkaitarraren konposizio berri honen jatorria [...]
Abenduaren 21ean estreinatuko da Telmo Esnal zinemagilearen ´Dantza´ filma
Posted on 2018-12-18 by KulturSharea
(Txintxua Films)Ekaitza lehertu da landako lan egun gogor baten [...]
Izaki Gardenak taldeak urtarrilean ekingo dio Dena Oskol Birari
Posted on 2018-12-18 by KulturSharea
Urtarrilaren 12an ekingo dio Izaki Gardenak taldeak kontzertuak [...]

Page 55 of 59

Zabaldu: