Gatom raperoaren ‘Bueltan gatoz’ kantuaren bideoklipa ikusgai

Posted on 2019-01-08 by KulturSharea

Gatom, Bermeoko rapero gaztea ez da geldirik egoten den horietakoa, horren adibide da iazko urrian plazaratu zuen Bueltan gatoz izeneko lana, bere bigarrena urte baten. Gaurkoan berriz, lan horren bigarren bideoklipa aurkeztu du, bilduma beraren izena daraman kantuarekin.

Gatom 2010. urtean murgildu zen musikaren munduan eta urte horren bukaeran bertan, bere lehenengo maketa aurkeztu zuen jada. Handik aurrera, hainbat lan argitaratu ditu euskaraz eta gaztelaniaz.

Esnea hil gazta tiro pun eta Kostako Vibes diskoak argitaratu zituen 2015 eta 2016 urteetan. Iazko hasieran berriz, Kostako Vibes – Binomio lana argitaratu zuen, une horretara arte jorratutako estiloa aldatuz eta rap eta reggae doinuetan murgilduz.

Handik eta zortzi hilabetera, lau abestiz osatutako Bueltan gatoz maxia kaleratu zuen. Honetan ere rap eta reggae doinuak uztartuz.

Gaur aurkeztu duen  Bueltan gatoz abestian, nortasuna eta sortzeko askatasunaren aldeko aldarria egin du Gatomek. Hip hop kulturaren barnean gozatzeko eta sortzeko bide anitz daudela erakutsiz. “Bide bakar bat dagoela esaten diguten arren, bakoitzak bere bidea jarraitzen badu, hobeto”.

Instrumentala Bermeoko Akaba ekoizleak egina dago. Abestiaren bideoa Amsterdamen grabatu du TiroPun Ekoizpenak-en eskutik.

You may also like

‘Zabaldu ateak’ diskoa aurkeztu du Urtz taldeak
Posted on 2019-03-07 by KulturSharea
Laukotearen zortzigarren estudioko lana da Zabaldu ateak eta hamar [...]
Iñaki Larraiozek ‘Larra Bideak’ disko berriaren ‘Zerua’ aurrerapen kantua
Posted on 2019-03-07 by KulturSharea
Iñaki Larraioz musikari nafarraren lehen bakarkako proiektua da Larra [...]
Guda Dantza taldeak ‘Azken eztanda’ kantua orkestra batekin grabatu du
Posted on 2019-02-26 by KulturSharea
Uribe kostako taldea proiektu berri batekin bueltan da. Oraingoan, [...]
Adrenalized taldearen ‘Gezurra ari du’ kantuaren bideoklipa
Posted on 2019-02-18 by KulturSharea
Adrenalized taldearen Operation Exodus laneko kantua dugu Gezurra ari [...]
Bertso barnetegia iruditan
Posted on 2019-02-18 by KulturSharea
Negusko bertso barnetegian asteburu honetan jasotako irudi batzuk [...]

Page 48 of 55

Zabaldu: