Hezkuntza emozionala lantzeko ipuin liburua kaleratu dute Martik eta Marrabillak ‘Ttipi Ttapa’ izenpean

Posted on 2021-12-04 by KulturSharea

Liburuak bidean topatu daitezkeen oztopo eta beldurrei aurre egiteko deia egin nahi du. Horretarako, ume baten ausardia da abiapuntua eta familiaren garrantzia eta autoestimua landuko dira ipuin honekin.

Nerea Martija Marti idazleak eta Nahia Iglesias Marrabilla ilustratzaileak elkarrekin bide bat abiatu dute bien esperientziak eta grinak uztartzeko asmoz eta bien arteko elkarlanak fruituak eman ditu jada: haurrei zuzendutako Ttipi Ttapa liburua (Taupaka). “Izarrek jakin-mina handia zuen, baina batzuetan ahots zelatarien matrakak entzuten zituen. Amamari esker, beldurrekin aurrera egiten ikasiko du protagonistak”.

Lanak bidean topatu daitezkeen oztopo eta beldurrei aurre egiteko deia egiten du. Ume baten ausardia abiapuntutzat hartuz, familiaren garrantzia eta autoestimua landuko dira ipuin honi esker.

Letra larriz idatzitako liburu hau hiru urtetik gorako harrei zuzenduta dago. Gainera, liburuan zehar umeei helarazteko hainbat galdera edota proposamen jaso dituzte. “Honek umeen bizipenak edota iritziak partekatzeko aukera emango digu”, azaldu dute.

Nerea Martija Apraizek Pedagogia eta Magisteritzako Lehen Hezkuntza ikasi zituen. Santanderren Hezkuntza Emozionala, Soziala eta Sormena Graduondoa egin zuen. 2013an, bihurrikerien eta ezustekoen munduan murgildu zen lehen aldiz Santutxuko plazan pailazoz aritu zelarik. Esperientzia horrekin liluratuta, handik eta denbora gutxira, Sudurkeriak eta Puski eta Txurruski taldeen parte izatera pasa zen. Hortik aurrera, umorez eta bizipenez bete du bere motxila. Hau da argitaratzen duen lehenengo liburua. Txikitatik ameslari, aspalditik da irakasle eta ipuin kontalari.

Nahia Iglesias Pamparacuatrok, bere aldetik, Arkitektura Teknikoa ikasi zuen, plano eta kalkuluak pintzel eta akuarelekin partekatuz. 2016ko udazkenean bidaiari ekin zion Amerikatik eta hala jaio zen Marrabilla proiektua; “bidaian, marraren bila, Marrabilla”. Bideko pertsona, txoko eta momentuen ilustrazioez betetzen doa motxila; kolorez eta bizipozez beterik. Teknikari dagokionean akuarela nagusitzen da bere lanetan, tinta, grafitoa, koloretako arkatzak… eta bestelako teknikak konbinatuz.

You may also like

‘Hau da ene ondasun guzia’ dokumentala ikusgai
Posted on 2019-07-19 by KulturSharea
Ipar Euskal Herrian bizi diren bost lagunen lekukotasunak bildu ditu [...]
‘Hozkailua’ antzerki obra osorik ikusgai
Posted on 2019-07-18 by KulturSharea
Maite eta Karlos herririk herri dabiltza hozkailu zahar batekin. [...]
Liher taldearen ‘Arrain Hilak’ abestiaren bideoklipa
Posted on 2019-07-17 by KulturSharea
Liher taldearen 'Tenpluak Erre' bigarren lan luzeko 'Arrain Hilak' [...]
Esne Beltzaren ‘Paretaren kontra’ abestiaren bideoklipa
Posted on 2019-07-17 by KulturSharea
Udaleku elkarteak Bidarraiko egonaldietan grabatutako bideoklipa. Esne [...]
‘Zazpi senideko’ anaitasunaren inguruko istorioak biltzen dituen antzerki obra osorik ikusgai
Posted on 2019-07-04 by KulturSharea
SINOPSIA: Anaitasunarena, txikitatik eraikitako labirintoa da, [...]
‘Sua’ kantuaren bideoklipa aurkeztu du Laize rap abeslariak
Posted on 2019-07-04 by KulturSharea
Laizek aurten aurkeztu duen bigarren abestia da Sua. Jai eremuetan [...]
Kaleko Urdangak taldearen ‘Agur eta Ohore’ kantuaren bideoklipa
Posted on 2019-07-03 by KulturSharea
Agur eta Ohore da Bergarako taldeak abuztuan argitaratuko duen Vis [...]
‘Loratu’ da Habi taldearen lehen diskoa
Posted on 2019-06-28 by KulturSharea
Villabonako Yeray Gasconek (ahotsa eta gitarra) eta Jon Ander Artolak [...]
‘Flasball’ izeneko kantua sortu du Zuberoako Xiberoots taldeak
Posted on 2019-06-26 by KulturSharea
Zuberoako Xiberoots reggae taldeak Flasball izeneko kantua sortu du G7 [...]
Estitxu Pinatxok ‘Basquiat’ kantua aurkeztu du
Posted on 2019-06-25 by KulturSharea
Estitxu Pinatxok berak sortu du Basquiat izeneko abestia. Moldaketak [...]

Page 44 of 56

Zabaldu: