Ikasgelan bertsolaritza lantzeko ´bertsoikasgela´ ataria martxan

Bideoa: Bertsozale Elkartea

Ikastetxeetako bertsolaritza eskoletarako baliabideak eskura jartzen ditu webguneak: bertsoaldiak, jolasak eta ariketak biltzen ditu, besteak beste.

Lagunekin berriro elkartuta izaten diren solasaldiek, liburu berrien usainak edota birziklatutako zaharren zirriborroek ematen duten entretenimenduak asko arintzen dute irailean ikastetxerako itzulera. Aurten gainera, ikasturte hasiera horren gogorra izan ez dadin, tresna baliotsu bezain jolastia aurkeztu du Bertsozale Elkarteak: bertsoikasgela.eus ataria.
Bertsozale Elkarteak martxan duen hezkuntza proiektuarekin bat egiten duten ikastetxeek, ikasleek zein bertsolaritza irakasleek baliatzeko tresna da. Bertsolaritza eskoletan erabiltzeaz gain, ikasleek gelan landutakoa berreskuratzeko aukera izango dute eskola orduetatik at. Bat-batekoen eta bertso jarrien sorta ederrak, jolasek eta ariketek osatzen dute eskaintza. Irakasleentzat ere abantaila ugari eskaintzen ditu webguneak, gela bakoitzean gaia utzitako lekuan berrartzeko modua izango dute automatikoki edota proposamenak jasotzekoa.

Aurten ere asko izango dira Bertsolaritza ikastetxean proiektua bere egingo duten eskolak. 500 bat ikastetxek egiten dute bat egitasmoarekin, eta hala 25.000 ikaslek baino gehiagok jasoko dituzte bertsolaritza eskolak. Horretarako, Bertsozale Elkarteko 50 irakasle ikastetxez ikastetxe ibiltzen dira herrialde osoan barrena.

Bertsotarako abilezia gehiago landu edota bestelako zeregin batean bertsolaritzara murgildu nahi duenak gertuen duen bertso-eskolan izena emateko aukera du.

 

You may also like

Posted 10 hilabete ago by KulturSharea
  The Anniversary of the Revolution (1918) filma proiektatuko [...]
Posted 10 hilabete ago by KulturSharea
Niña Coyote eta Chico Tornadoren Aitzstar diskoko aurrerapen kantua [...]
Posted 10 hilabete ago by KulturSharea
Lekeitioko Nabil taldeak otsailaren 14an argitaratuko du Eter, euren [...]
Posted 10 hilabete ago by KulturSharea
Deiedratarrök taldeak ´Khantore Bakartiak´ izeneko lan berria [...]
Posted 10 hilabete ago by KulturSharea
2018ko Abenduaren 30an, agur esan zioten Rekalde tabernari. Hitzaren [...]
Posted 10 hilabete ago by KulturSharea
Hodei beltzek Iturengo zerua estali zuten joan den astelehenean, gauza [...]
Posted 11 hilabete ago by KulturSharea
Danbayán batukadarekin sortu du  bertsio berria Yogurinha Borova [...]
Posted 11 hilabete ago by KulturSharea
Buruz behera diskoaren bigarren singlearen bideoklipa aurkeztu du [...]
Posted 11 hilabete ago by KulturSharea
Galtzeko ezer EP-ari izena ematen dion kantuaren bideoklipa aurkeztu [...]
Page 13 of 19
Zabaldu: