Iñaki Irasizabalek ‘Zer jakingo duzue epela baino ezagutu ez duzuenok?’ liburua kaleratu du

Posted on 2022-02-23 by KulturSharea

Narrazio hauetako protagonistak galduta sentitzen dira, desoreka bat izan dezakete edota adikzioren bat. Desegokiak dira gizartearen begietan.

Iñaki Irasizabal (Durango, 1969) idazleak Zer jakingo duzue epela baino ezagutu ez duzuenok? ipuin bilduma aurkeztu du gaur Donostian, Xabier Mendiguren Elkar argitaletxeko editorearekin batera. Egileak berak zehaztu duenez, hamar istorio independente biltzen dira liburuan, “ipuin bakoitzean tarte latzak eta xamurrak daude, baina uste dut istorio hurbilak direla”, adierazi du.

Hala dio liburuaren sinopsiak: “deserrotutzat jotzen ditugu bere herritik urrun, inguru sozial eta afektibo egonkor bat lortu ezin eta noraezean dabiltzan pertsonak. Liburu honetako gizon-emakumeek, aldiz, beste deserrotze mota bat bizi dute: badute familia bat, harreman sare bat, horrek ez dakarkie bakerik ordea; galduta sentitzen dira, desoreka bat izan dezakete edo adikzioren bat akaso… azken finean, desegokiak dira gizartearen begietan”.

Urteetan nobela beltza landu ostean, idazleak Zorioneko familia (Elkar) lehen narrazio bilduma argitaratu zuen 2019an eta lan horrekin abiarazi zuen ildoan sakonduz, istorio durduzagarri eta pertsonaia bizarroen sorta bat eskainiko digu lan berri honekin. Irasizabalek azaldu duenez, liburu honetan giza harremanak lantzen dira batez ere, “beti ahalegintzen naiz gizaki sinesgarriak eta interesgarriak sortzen”.

Mendigurenek, bere aldetik, uste du istorio errealistak direla liburuan jasotakoak, “gaur egun eta hemen gertatzen direnak, ez da epika handirik agertzen, nahiz eta politika ere agertzen den. Pertsonen arteko hartu-emanak dira eta horien bitartez gizartea oso ondo erretratatzen du, gure kaleak, tabernak, tanatorioak, baserriak, dendak, jatetxeak… bizitza nabaritzen da taupaka Iñakiren ipuinetan”.

You may also like

Eñaut Elorrietak ‘Zutaz letrak idazteko’ kantua aurkeztu du
Posted on 2022-09-29 by KulturSharea
Eñaut Elorrietak udazken honetan argitaratuko duen Fantasia diskoaren [...]
‘Black Is Beltza II. Ainhoa’ filmaren soinu banda aurkeztu dute
Posted on 2022-09-15 by KulturSharea
Soinu banda bihar, irailak 16, kaleratuko dute. Fermin Muguruzak [...]
Nerea Ibarzabal idazleak bere lehen nobela kaleratu du: ‘Bar Gloria’
Posted on 2022-09-14 by KulturSharea
Idazle eta bertsolari bizkaitarrak estreinako nobela du Bar Gloria. [...]
Metrokoadrokak ‘Zeozertan dabil baina ez dakit zertan’ antzezlana prestatzen ari da
Posted on 2022-09-12 by KulturSharea
Antzezkizuna familia ereduei buruzko sitcom poetikoa izango da eta [...]
Jose Luis Otamendi idazlea bueltan da ‘Landura’ poema liburuarekin
Posted on 2022-09-12 by KulturSharea
Landura izena du idazle azpeitiarrak gaur Susa argitaletxearen eskutik [...]
Baztandarren Biltzarra: Orgak Elizondoko karriketara atera dira berriro ere
Posted on 2022-07-18 by KulturSharea
Edizio honetan, Amaiurko gazteluaren erresistentziaren 500. [...]
Rafa Ruedak ‘Oroitz’ kanta eta bideoklipa aurkeztu ditu
Posted on 2022-07-13 by KulturSharea
Larunbatean, bideoko abeslariek eta beste zortzi lagunek osatzen duten [...]
Euskaraldiak ‘Esazu hitz bat’ izeneko abestia aurkeztu du aurtengo ediziorako
Posted on 2022-07-06 by KulturSharea
Xabier Zabalak, Aiora Renteriak, Pettik, Maddalen Arzallusek, Ainhoa [...]
Esti Markezek ‘Hitzekin jolasean’ abestia eta bideoklipa aurkeztu ditu
Posted on 2022-07-04 by KulturSharea
Aiako abeslariak bakarkako ibilbideari ekin dio eta urrian diskoa [...]
12345

Page 1 of 45

Zabaldu: