Joxean Sagastizabalek ‘Kutsidazu bidea, Ixabel’ eleberriaren berrargitalpena aurkeztu du

Inork ez zuen espero umorezko eleberri batek halako arrakasta izatea. Joxean Sagastizabal idazlearen sekretua, Oier Etxebeste Alberdaniako editorearen arabera, “umorearen tratamendu literario berritzailea” izan zen.

Joxean Sagastizabal idazleak Kutsidazu bidea, Ixabel eleberria argitaratu zuen 1994an, eta ordutik hona, 100.000 aletik gora saldu dira. Orain, eleberri umoretsu honen berrargitalpena aurkeztu du egileak Alberdania argitaletxearen eskutik.

Argitaletxeak azaldu duenez, “umorea da eleberri honen ardatza. Umorea literatura tratamendu egokiz egina, estilo arinez, generoaren arauekiko berritzaile, eta beste berezitasun garrantzitsu batekin: arrakasta. Giharren bat ukitu izango du liburu honek euskaldun berri edo zaharberrituen gorputzean, nork bere burua identifikatua sentitzeraino pasarteren batean edo bestean. Izan ere euskal belaunaldi baten ispilu konplexurik gabea da Kutsidazu bidea, Ixabel”.

Idazlearen arabera, Kutsidazu bidea, Ixabel euskal “literaturaren misterio misteriotsuena” da. “Nola da posible 1994an argitaratu zen liburu xume bat oraindik presente egotea abiada eskizofrenikoan dabilen munduan? Erantzun posibleak: Jendeari barre egitea gustatzen zaio, eta Kutsidazu barregarria (omen) da. Bestetik, hainbat herritar identifikatu egiten da homo urbanikola euskarabaldarrensis-aren Vasconum arriskutsuen arteko abenturekin”.

Ziurrenik, gaur egunera arte behintzat, euskararen “saga” bakarra izango dela dio Sagastizabalek: “liburua, CD bat jolasekin, antzerkia, pelikula, seriea, bigarren liburu bat, musikala; eta benetako bide bati, Hernialderen eta Alkizaren bitartekoari, Kutsidazu bidea izena jarriko zaio hilaren 14an, datorren ostiralean”.

Umorezko literatura eta arrakasta eskutik

Oier Etxebeste editoreak kontatu duenez, “100.000 aletik gora saldu dituen eleberri hau duela hogeita hamabi urte argitaratu zen, eta Alberdania lan hori argitaratu baino urtebete eskas lehenago sortu zen. Garai horretan, ez zen umorezko literatura egiten. Horregatik, Inazio Mujika Iraolak hitzaurrean dion bezala, hasieran eskuizkribuari mesfidantzaz begiratu zioten orduko editoreek. Hala ere, liburuak sortzen zituen barre eutsiezinak bultzatu zuen argitaletxeak argitaratzea”.

Inork ez zuen espero umorezko eleberri batek halako arrakasta izatea. Sagastizabalen sekretua, Etxebesteren arabera, “umorearen tratamendu literario berritzailea” izan zen. Gainera, “euskaltegietako ikasleak euskal landa giroan murgiltzean bizi izandako gorabeheren kontakizun dibertigarria da, non irakurleak identifikatu daitezkeen”.

You may also like

Landako gunean erritmo bizian ari dira eskari guztiak jaso eta banatzen
Posted on 2020-12-05 by KulturSharea
Azokako hirugarren egunean Gatibu, Mikel Urdangarin eta Rafa Rueda [...]
Modus Operandi taldearen ‘Dantza Gaitezen Hil Arte’ abestiaren bideoklipa
Posted on 2020-12-02 by KulturSharea
Modus Operandik Dantza gaitezen hil arte diskoa aurkeztu du Gasteizko [...]
Ningra rap abeslariaren ‘Haziak’ abestiaren bideoklipa
Posted on 2020-11-27 by KulturSharea
Ningra rap abeslariak Enbor taldearekin batera sortutako abestia da Haziak.
‘Zurekin’ kantua: Itxaso Sanchez, Uxue Sanchez eta Imanol Iribarren
Posted on 2020-11-13 by KulturSharea
Itxaso eta Uxue Sanchez ahizpek eta Imanol Iribarrenek maiatzean [...]
Xabi Solano, ‘Askatasunaren besoetan’ kantua
Posted on 2020-11-10 by KulturSharea
Xabi Solano trikitilariak plazaratutako Trikitixa Liburua III-k [...]

Page 29 of 59

Zabaldu: