Keu Agirretxea: “Gu han egon ginen” abestiaren bideoklipa aurkeztu du

Keu Agirretxea musikariak gaur gauerdian Ura eta bakea izeneko disko berria emango du argitara plataforma digitaletan. Aurretik baina, Gu han egon ginen kantuaren bideoklipa aurkeztu du. Josu Eizagirrek sortu du bideoa, kantuaren hitzak berriz, Eneko Garmendiarenak dira.

Orain arte zortzi lan argitaratu ditu Agirretxeak bakarlari gisa, Nomadak eta kofrea (2016), Behe presioaren erdigunean (2013), Denbora vs kantuak (2010), Une akustikoa (2008), Fignuh hystreld (2005), Ganbaratik (2003), Uek (2000) eta Improphono  (2017), azken lau hauek disko instrumentalak.