LKN kale artistaren lanak ikusgai jarri dituzte Iruñeko Kondestable jauregian

Posted on 2021-04-22 by KulturSharea

Erakusketak apirilaren 30era arte izango ditu ateak zabalik, Iruñeko Kondestable Civivoxeko patioan, eta jatorrizko obren kartoizko 22 erreprodukzio biltzen ditu.

LKN kale artistak sortutako azken lanen bilduma paratu dute Iruñeko Kondestable Civivoxeko patioan. Erakusketak  apirilaren 30era arte izango ditu ateak zabalik, eta jatorrizko obren kartoizko 22 erreprodukzio biltzen ditu. Honekin batera, artistaren gaineko erreportajeak biltzen dituen 17 minutuko bideoa ere ikusgai dago bertan.

Hala, erakusketa honetan bere lan adierazgarrienetako batzuk aurki daitezke: Osasuna taldeari buruzko marrazkiak, Maria Chivite Nafarroako Gobernuko presidentearen eta Bakartxo Ruiz EH Bilduko parlamentariaren arteko musua, edota Foruzaingoko bi gizonen arteko musua.

Bartzelonan Messiren eta Cristianoren arteko musua marraztu zuen Tvboy bezalako grafitigileen ildotik, artista anonimo nafar honek bere lanetan gaurkotasuneko uneak irudikatzen ditu. “Osasuna taldeko jokalariak, politikariak edota osasun langileak margotzen ditu, heroiak, santuak edo margolan ospetsuetako pertsonaiak bailiran”, azaldu du Iruñeko Udalak.

“Bere lanek gure hiriko artearekiko, zinemarekiko, tradizioekiko, ohiturekiko eta gune enblematikoekiko pasioa adierazten dute. Inoiz Bansksyrekin alderatu izan dute, grafitigile ingelesak hormaren eta edozein unetan suntsi daitekeen pinturaren arteko euskarri bat erabiltzen baitu”.

LKN erakusketa egunero egongo da zabalik goizeko 9:00etatik gaueko 21:00etara.

You may also like

Harkaitz Canoren ‘Azken aurreko manifestua’ osorik ikusgai
Posted on 2018-12-05 by KulturSharea
Azken aurreko manifestua izenburuko testua errezitatu zuen Harkaitz [...]
Nazioartean bertsolaritza zer den erakusteko dokumentala sortu dute
Posted on 2018-12-05 by KulturSharea
What is bertsolaritza? (Zer da bertsolaritza?) galdera honi erantzunez [...]
‘Käffka’ antzezlana urtarrilaren 27an estreinatuko da
Posted on 2018-11-30 by KulturSharea
'Käffka' antzezlana urtarrilaren 27an estreinatuko da Bilboko Pabellon [...]
Mad Muasel, Fermin Muguruza eta La Furia, ‘Klika KORRIKA 2019’ abestiaren erritmora
Posted on 2018-11-29 by KulturSharea
Gaur aurkeztu dute 21. Korrikaren abestia Bilbon: Klika Korrika 2019 [...]
Diskorik “elektronikoena” argitaratu du Esne Beltza taldeak
Posted on 2018-11-29 by KulturSharea
Ni izeneko zazpigarren lana aurkeztu du gaur Esne Beltza taldeak. [...]
Folka oinarritzat hartuta, ´Gaur´ diskoa kaleratu du Ertzak taldeak
Posted on 2018-11-27 by KulturSharea
Ertzak Hirukoaren lehenengo diskoa da gaur hedabideen aurrean aurkeztu [...]

Page 55 of 58

Zabaldu: